Galati 4:17 - Nyaa Shɔɔ Ɓɔɔ Laa a Ɓɛɛ

¹⁷ Zang kaɓa, ri palɛ mɔɔ kɔ̀ɔ́ nɛɛ, ri kasɛ nɔɔ katɔ gbãng gbãng, a vuu ɓɔɔ ri mang ka yeti ɓarɛ ka yuu manɛ ɓi kaa tɔ̀ɔ́ tɔ̃ɔ kpang. Ri kasɛ ɓarɛ nɛɛ, ri basɛ teteng manɛ nɛɛ n, tɔ̀ɔ, nɔ́ɔ shòng kaa rikɔ.

Galati 4:17 ပူးပေါင်းရင်းမြစ်များ

Matiyu 23:15

“Vuu gn kɔnang kagn yuu manɛ, zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ rakɛ ka yuu tipi, nɛɛ yuu mii waapo piti, ka nɔng ɓɔɔ nɔɔ kãa zang gbete ɓɔɔ dũng knti manɛ ɓɛɛ. Nɔɔ nɛɛ ĩi tɔ, nɔɔ risi wu, wu nwang zang ɓɔɔ ɓa nɔɔ vuu shi kpang palɛnang katɔ dakn ziti, ɓɔɔ daa nɛɛ nɔɔ ning ka waa bang.

Rooma 10:2

N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

1 Koranti 11:2

N dɔ̀ɔ́ nɔɔ ka ruu ɓɔɔ danggn ruu mɛɛ nandon, ning nɔɔ kpang ka vuu piti ɓɛɛ. Nɔɔ ti palɛ vuu naa ɓɔɔ n tùsù nɔɔ katɔ ɓɛɛ.

1 Koranti 4:18

Zang ɓɔɔ ka teteng manɛ ri lakɛ jĩng, ri kɔɔ ɓu nɛɛ n nɛɛ a tɔ, n naa leng nɔɔ kpang ya?

1 Koranti 4:8

Nɔɔ wàlɛ̀ vuu ɓɔɔ nɔɔ kasɛ manɛ tɔ nandon. Nɔɔ tuu yuu manɛ nɛɛ nɔɔ manɛ kaa zang ying. Nɔɔ nwáng kpanti tɔ, a rùu ɓuru gn kpanti kpang. Naa nɔɔ nɛ̀ɛ́ kpanti niizang, wukɔ nɛ̀ɛ́ tɔ̃ɔ, ruu nɛɛ roo kpanti kaa nɛɛ nɔɔ ka nyaa zɔɔ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

Galati 4:16

N nwang tɔ kaa zang ɓɔɔ nɔɔ gaa nyaa nɛɛ wu ɓɛɛ, ka ruu ɓɔɔ n kɔɔ nɔɔ ruu ɓɔɔ niizang ɓɛɛ ya?

Galati 4:18

Naa zang kasɛ ruu zang ka ruu tɔ̃ɔ ɓɔɔ zang mang ka yeti ka yuu zang, wukɔ tɔ̃ɔ. Zang wu palɛ nɔngkɔ diki diki, wu ka laa ɓɔɔ n ka nɔng shɛ̃ɛning kpang.

Filipi 2:21

Zang nimbang ri nandon, zang ɓu rɛ̃̀rɛ́ ɓi ka yuu vuu ɓɔɔ a wu tĩnang ɓɛɛ, ri rɛ̃̀rɛ̀ ɓarɛ ka yuu Yeesɔ Kirisi kpang.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.