Galati 4:12 - Nyaa Shɔɔ Ɓɔɔ Laa a Ɓɛɛ

¹² Rɛɛ manzung, n gàá nɔɔ katɔ, nɔɔ nwang naa ɓɔɔ n nwàng ɓɛɛ. Ka ruu ɓɔɔ, n nwáng tɔ naa nɔkɔ ɓɛɛ. Nɔɔ pálɛ̀ m vuu shi kpang ɓɔɔ kagn kpang.

Galati 4:12 ပူးပေါင်းရင်းမြစ်များ

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

2 Koranti 2:5

A naa zang ɓɔɔ kagn, lasɛ rɛɛ zang ɓɔɔ yeti ka teteng manɛ, lasɛ ɓi nkɔ yeti kpang. Lasɛ ɓi nɔkɔ nandon yeti. N kɔɔ vuu keɓe ka ruu ɓɔɔ, n kasɛ n kpãa zang kaɓa nyaa dɔɔli kpang.

2 Koranti 6:11

Zang Koranti, ruu rang nɔɔ yee ɓɔɔ niizang, ruu waasɛ nɔɔ vuu ɓɔɔ ka yeti ɓuru kpang.

2 Koranti 6:13

Kãntang keɓe, n rang nɔɔ yee kaa naa nɔɔ wujɛ mɛɛ. Nɔɔ kàsɛ̀ ruu naa ɓɔɔ ruu kàsɛ̀ nɔɔ ɓɛɛ. Nɔɔ tùsù ruu naa ɓɔɔ nɔɔ kasɛ ruu ɓɛɛ katɔ.

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 4:11

Vuu kɔ nɔɔ palɛ ɓee, shing tɔ n káa kaa vɔrɔ. Mɔɔ kɔɔ nɛɛ shonang ɓɔɔ n pálɛ̀ ka ruu manɛ shàarɛ̀ tɔ waati.

Galati 4:13

Danggn wu ning nɔɔ vuu ɓɔɔ shingnɛ, n rang nɔɔ Ruu Tɔ̃ɔ ka tĩng shɔɔnang ɓɛɛ kpang. Ɓi ka ruu ɓɔɔ, vuu palɛ m katɔ ɓɛɛ.

Galati 6:14

Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

Galati 6:18

Rɛɛ manzung, n gaa Kpanti ɓuru Yeesɔ Kirisi wu palɛ nɔɔ nandon tɔ̃ɔ. Nɔngkɔ.