Galati 3:5 - Nyaa Shɔɔ Ɓɔɔ Laa a Ɓɛɛ

⁵ Laa a nɔɔ Suru ɓiɓɛ, a ti palɛ vuu ɓɔɔ zang zirɛ zang mã naa ka danggn ka teteng manɛ. Palɛ ka ruu ɓɔɔ nɔɔ pálɛ̀ vuu ɓɔɔ nyaa dannang kasɛ ɓɛɛ ya, kɔ palɛ ka ruu ɓɔɔ, nɔɔ tãa Ruu Tɔ̃ɔ, a nɔɔ shing danggn ɓɛɛ?

Galati 3:5 ပူးပေါင်းရင်းမြစ်များ

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Rooma 10:17

Ka ruu nɔngkɔ, zang nɛɛ tãa ruu ɓɔɔ zang kɔɔ tɔ, zang shing danggn kati. Zang tã̀á ruu keɓe, ka ɓɔɔ zang kɔɔ ruu Kirisi ɓɛɛ.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

1 Koranti 12:10

Zang ɓɔɔ zang a ri naa, ri palɛ vuu ɓɔɔ zang zirɛ zang mã naa ka danggn ɓɛɛ. Zang ɓɔɔ zang a wu ɓi naa, nɛɛ wu kɔɔ vuu ɓɔɔ Laa tusu wu ɓɛɛ. Zang ɓɔɔ zang a ri ɓarɛ naa, ri zi vuu ɓɔɔ a nɛɛ bii Suru Laa, nɛɛ ɓɔɔ a nɛɛ bii Suru Laa kpang ɓɛɛ. Zang ɓɔɔ zang a ri naa, ri rang nyaa ɓɔɔ ri kpɛ̃ɛrɛ katɔ kpang ɓɛɛ. Zang ɓɔɔ zang a ri ɓarɛ naa, ri kɔɔ zang dĩiri nyaa kaɓa.

2 Koranti 10:4

Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

2 Koranti 12:12

Laa palɛ vuu bang bang ɓɔɔ zang zirɛ zang mã naa ka danggn nɛɛ bii mɛɛ, ka ɓɔɔ n mã danggn, n palɛ shonang mɛɛ ka teteng manɛ ɓɛɛ. Vuu kaɓa kɔ tusu zang nɛɛ n zang shonang Yeesɔ ɓɔɔ niizang.

2 Koranti 13:3

Naa nɔɔ kasɛ nɛɛ zang tusu nɔɔ nɛɛ Yeesɔ Kirisi kɔ rang yee nɛɛ bii mɛɛ. Nɔɔ zi tɔ nɛɛ Yeesɔ palɛ nɔɔ vuu ɓi naa zang ɓɔɔ lakɛ naa ka bii kpang, kpang, tusu naa vuu palɛnang ɓiɓɛ ɓi katɔ kɔ jong ka teteng manɛ.

2 Koranti 3:8

Bannang Laa nɛɛ tusu bii, ka ɓɔɔ Laa a zang nyaa dannang ɓɔɔ nyɔ zang vɔrɔ katɔ ɓɛɛ naa weɓe. A bannang ɓɔɔ tusu bii ka ɓɔɔ zang nwangsɛ nyaa dannang shɔɔ keɓe, ɓa ɓɔɔ tĩng shɔɔnang kaɓa bannang katɔ kpang ya?

2 Koranti 9:10

Laa kɔ a zang jĩng vuu, zang ɓàayi, wu ti a wu vuu shaanang, wu shaayi. Ka ruu nɔngkɔ, Laa naa a nɔɔ jĩng vuu ɓɔɔ nɔɔ kasɛ ɓaanang ɓɛɛ ditɔ nandon, wu ti shingnɛ, vuu ɓɔɔ takɛ wu bangkɛ. Ka naa weɓe, Laa shingnɛ, vuu ɓɔɔ nɔɔ a zang nɛɛ yeti gbete, nɔ́ɔ a zang kaa dɔɔli.

Galati 3:2

Ń hɛ̃ɛ nɔɔ ruu gbete keɓe, Laa a nɔɔ Suru ɓiɓɛ ka ruu ɓɔɔ nɔɔ palɛ vuu ɓɔɔ nyaa dannang kasɛ ɓɛɛ ya, kɔ ka ɓɔɔ nɔɔ tãa Ruu Tɔ̃ɔ, a nɔɔ shing danggn ɓɛɛ?

Filipi 1:19

Ka ruu ɓɔɔ, n zi tɔ, Laa ɓɔɔ nɔɔ gaa m, nɛɛ naa ɓɔɔ Suru Yeesɔ Kirisi yi m ka bii ɓɛɛ, naa shingnɛ zang naa yaa m naa ditɔ.