Galati 3:29 - Nyaa Shɔɔ Ɓɔɔ Laa a Ɓɛɛ

²⁹ Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

Galati 3:29 ပူးပေါင်းရင်းမြစ်များ

Matiyu 3:9

“Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

2 Koranti 10:7

Nɔɔ pɛ̃ɛrɛ manɛ bii biling vuu kɔ shɛ̃ɛning. Zang ɓɔɔ kagn nɔngkɔ, ɓɔɔ tuu yuu nɛɛ wu ɓi ɓɔɔ Yeesɔ Kirisi ya? Wukɔ tɔ̃ɔ. Zang kaɓa wu rɛ̃rɛ ka yuu ɓiɓɛ tɔkn, ka ruu ɓɔɔ, ruu ɓuru dòo zang Yeesɔ Kirisi kɔ naa wukɔ ɓɛɛ.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:18

Nɔɔ kɔɔ ɓu nɛɛ nɔɔ wàlɛ̀ vuu ɓɔɔ Laa a nɔɔ, ka ruu ɓɔɔ, nɔɔ dũng nyaa dannang ɓiɓɛ ya? Naa nɛ̀ɛ́ nɔngkɔ, nɛɛ ɓi tɔ̀ɔ́ ka ruu ɓɔɔ wu a nyaa nɛɛ wu a nɔɔ ɓɛɛ kpang. A ruu zi ɓuru tɔ nɛɛ, Laa a Ibirayi vuu kaɓa, ɓi ka doo nyaa ɓɔɔ wu a wu ɓɛɛ.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.

Galati 3:7

Nɔɔ zi ka wukɔ nɛɛ zang ɓɔɔ ri shing danggn ka bii Laa rikɔ wujɛ Ibirayi ɓɔɔ niizang ɓɛɛ.

Galati 4:1

Vuu ɓɔɔ n tɔ́ɔ̀ n kɔɔ keɓe. Naa jaa ɓɔɔ naa shaa vuu vɔ diiɓɛ doo jaa tɔkɔlɔng, zang palɛ wu naa jaafoo. Naa doo ka wee zang zi tɔ nɛɛ vuu piti ɓi ɓɔ̀ɔ́ ɓiɓɛ kɔ ɓee.

Galati 4:7

Ka ruu nɔngkɔ, nɔɔ manɛ tɔ̀ɔ́ jaafoo kpang, nɔɔ kaa jaa gãa. Naa wee nɔɔ kaa Jaa ɓiɓɛ ɓee, Laa naa a nɔɔ vuu piti ɓɔɔ wu shing wujɛ ɓiɓɛ ɓɛɛ.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Galati 6:16

Zang piti ɓɔɔ ri nwang nwannang naa ɓɔɔ n kɔɔ ɓɛɛ, ɓɔɔ rikɔ zang ɓɔɔ Laa shɛ̃ɛrɛ ri ɓɛɛ, Laa wu shingnɛ yeti ɓarɛ wu valɛ, a gn ɓarɛ wu ti kɔng wu katɔ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 11:18

Bɛ̀ɛ́ Laa kɔɔ wu tɔ nɛɛ, “Zang naa ɓaa zɔ̃ng ɓaaɓɛ nɛɛ bii Ishaaku kɔ”

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

Yahudi 6:17

Laa kasɛ nɛɛ wu shingnɛ zang ɓɔɔ ri ta nyaa ɓɔɔ Laa a keɓe ri zirɛ, nɛɛ wu kɔ̃sɔ vuu ɓɔɔ wu kasɛ ɓɛɛ ɓi kpang. Ka ruu nɔngkɔ, tũng vuu tɔ̀ɔ, wu tusu kati nɛɛ, vuu ɓɔɔ wu a nyaa, wu naa palɛ katɔ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.