Galati 3:18 - Nyaa Shɔɔ Ɓɔɔ Laa a Ɓɛɛ

¹⁸ Nɔɔ kɔɔ ɓu nɛɛ nɔɔ wàlɛ̀ vuu ɓɔɔ Laa a nɔɔ, ka ruu ɓɔɔ, nɔɔ dũng nyaa dannang ɓiɓɛ ya? Naa nɛ̀ɛ́ nɔngkɔ, nɛɛ ɓi tɔ̀ɔ́ ka ruu ɓɔɔ wu a nyaa nɛɛ wu a nɔɔ ɓɛɛ kpang. A ruu zi ɓuru tɔ nɛɛ, Laa a Ibirayi vuu kaɓa, ɓi ka doo nyaa ɓɔɔ wu a wu ɓɛɛ.

Galati 3:18 ပူးပေါင်းရင်းမြစ်များ

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Galati 2:21

N bɛ̃ɛ tɔ̃ɔ ɓɔɔ Laa pàlɛ̀ m ɓɛɛ kpang. Naa shɔnzang nwang zang tɔ̃ɔ ka tĩng Laa nɛɛ bii nyaa dannang katɔ, nwang ɓi kaa naa ɓɔɔ Kirisi vɔ ɓi kaa dalɛ waati ɓɛɛ.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 3:12

A nyaa dannang di yuu ɓi kaa tɔ̀ɔ́ ka bii danggn ɓɔɔ zang shing ɓɛɛ kpang. Zang bee ɓi katɔ kɔ jong, ka labeenang Laa nɛɛ, “Zang ɓɔɔ nɛɛ palɛ vuu piti ɓɔɔ nyaa dannang kasɛ, ti nwang ningkãari ka doo nyaa dannang kɔ.”

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.