Galati 3:17 - Nyaa Shɔɔ Ɓɔɔ Laa a Ɓɛɛ

¹⁷ Vuu ɓɔɔ n kɔɔ keɓe, Laa a nyaa, a ti kɔɔyi nɛɛ wu palɛ vuu ɓɔɔ wu a nyaa ka yuu ɓiɓɛ katɔ. Nyaa dannang ɓɔɔ naa a ɓi kaa nɛɛ knti, bɛ̀ɛ́ sáa ɓa tɔ laa maani dakn dɛ̃ɛti tu bmati tu kopi, zunung ɓɔɔ wu ningsi nyaa ɓɔɔ Laa a tɔ ɓɛɛ kpang.

Galati 3:17 ပူးပေါင်းရင်းမြစ်များ

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Zang Shonang Yeesɔ 7:6

Laa kɔɔ wu ruu keɓe hn. ‘Zɔ̃ng ɓaaɓɛ ri daa nwang zang zanti ka koolaa ɓɔɔgn, ri daa nwang jaafoo ka nɔng. Zang dang ri jĩng saa laa maani dakn dɛ̃ɛti.

Rooma 3:25

Laa a zang wu, nɛɛ zang nyɔ wu vɔrɔ, nɛɛ tɔ̀ɔ, wu nwang kaa gbalang ɓɔɔ Laa yàá shɔnzang nandon gbalang vuu shi kpang ɓarɛ ɓɛɛ. Ka ruu danggn ɓɔɔ ri shing ka bii ɓiɓɛ ɓɛɛ. Laa palɛ vuu keɓe, tɔ̀ɔ, wu tusu zang tɔ̃ɔ ɓiɓɛ. Ka tĩng, Laa mã danggn, a yee laa ka vuu shi kpang ɓɔɔ shɔnzang ri palɛ ɓɛɛ kpang.

Rooma 3:3

A zang ɓɔɔ ri nɛɛ shing danggn kpang, ka teteng ɓarɛ ɓɛɛ? Ka ruu nɔngkɔ, Laa pálɛ̀ vuu ɓɔɔ wu a nyaa nɛɛ wu pálɛ̀ ɓɛɛ takpang ya?

1 Koranti 1:12

Vuu ɓɔɔ n kɔɔ nɔɔ keɓe, nɔɔ kúsù yuu manɛ ka vaa vaa. Zang ɓu ka teteng manɛ kɔɔyi nɛɛ, “N dũng m Bulu,” zang ɓɔɔ nɛɛ, “N dũng m Apolo,” zang ɓɔɔ nɛɛ, “N dũng m Bituru”. A zang ɓɔɔ kɔɔyi nɛɛ, “N dũng m Kirisi.”

1 Koranti 1:17

Yeesɔ Kirisi shong m nɛɛ, n naa pàlɛ̀ zang wu batizima kpang. Shong m nɛɛ n naa kɔɔ zang Ruu Tɔ̃ɔ Kpanti Laa. N nyɔ zang wu nɛɛ nyaa waati kpang, n ti kɔɔ zang ruu nɛɛ zũnang yuu mɛɛ kpang. Tɔ̀ɔ, zang ri zi kati nɛɛ naa vuu palɛnang kagn ka vɔrɔ ɓɔɔ Kirisi vɔ ka yuu laa ɓɛɛ.

1 Koranti 10:19

N kɔ̀ɔ́ ɓu nɛɛ viya? N kɔ̀ɔ́ ɓu nɛɛ vaka vuu ɓɔɔ ya? A vuu shaanang ɓɔɔ zang a vaka palɛ vuu ɓɔɔ katɔ ya?

1 Koranti 7:29

Manzung, mɔ́ɔ ɓaa shoo ka vuu kɔ n kɔɔrɔ ɓee. Diki ɓɔɔ Laa ka ruu ɓɛɛ, bee takpang, ka ruu nɔngkɔ, vuu ɓɔɔ gaayu nɛɛ lɛɛkɔ, zang ɓɔɔ ri gee soro tɔ, ri nwang naa zang ɓɔɔ soro ɓarɛ kagn kpang ɓɛɛ.

2 Koranti 1:20

Ka ruu ɓɔɔ, nyaa ɓɔɔ Laa a zang nandon, Laa palɛ katɔ nɛɛ bii ɓiɓɛ kɔ. Ka ruu nɔngkɔ, ruu nɛɛ kɔɔ tɔ nɛɛ, “Wu nwang nɔngkɔ,” nɛɛ bii Yeesɔ Kirisi. Ruu a Laa ɓuru bannang.

2 Koranti 9:6

Danggn wu ning nɔɔ kpang, zang ɓɔɔ nɛɛ ɓaa jĩng vuu tɔkɔlɔng, ti yee ɓi doo tɔkɔlɔng kɔ. Zang ɓɔɔ nɛɛ ɓaa jĩng vuu dɔɔli, ti naa yee ɓi doo dɔɔli kɔ.

Galati 3:15

Manzung, n kɔɔ nɔɔ ruu keɓe, n gãsɛ nɛɛ vuu ɓɔɔ ruu palɛ diki diki ɓɛɛ. Naa zang ziti ri a zɔɔ nyaa ka yuu vuu ɓɔɔ, zang ɓɔɔ ta nyaa keɓe kpang, zang ɓɔɔ ti gisi vuu tɔkn ka yuu ɓiɓɛ kpang.

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Galati 5:16

Vuu ɓɔɔ n kɔɔ nɔɔ keɓe. Nɔɔ yaa Suru Laa wu tusu nɔɔ naa ɓɔɔ nɔɔ nwang nwannang ɓɛɛ. Nɔ́ɔ tɔɔ kpang nɛɛ nɔɔ palɛ vuu ɓɔɔ bii shɔnzang manɛ kasɛ ɓɛɛ kpang.

Galati 5:4

Zang ɓɔɔ ka teteng manɛ ɓɔɔ ri kãa gbalang ɓɔɔ ri nwang zang tɔ̃ɔ ka tĩng Laa nɛɛ nyaa dannang ɓɔɔ ri dũng ɓɛɛ, ri basɛ zɔɔ ɓarɛ tɔ nɛɛ Kirisi. Nɔɔ bɛ̃ɛ manɛ tɔ̃ɔ ɓɔɔ Laa palɛ zang katɔ ɓɛɛ ya?

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Kolosi 2:4

N kɔɔ nɔɔ ruu keɓe tɔ, zang ɓɔɔ wu nwáarɛ̀ nɔɔ nɛɛ nyaa laanang sèé kpang, naa nyaa keɓe shi doo naa viya?

Yahudi 11:13

Zang keɓe nandon, ri vɔlɔ, bɛ̀ɛ́ ri shing danggn doo katɔ. Ri walɛ vuu ɓɔɔ zang a ri nyaa ka yuu ɓiɓɛ kpang. Ri zili waati nɛɛ nɔng beebang, a ri kasɛ katɔ ka yeti ɓarɛ. A ri ti kasɛ tɔ nɛɛ, ri ɓarɛ zang zanti, a ri ti nwang ɓarɛ ka teteng zang ɓɔɔ ɓi zang ɓarɛ kpang ɓɛɛ ka koo.

Yahudi 7:18

Nyaa dannang ɓɔɔ tĩng, zang kɔsɔ tɔ dang gbete, ka ruu ɓɔɔ, naa vuu palɛnang ɓiɓɛ kagn kpang, a ti pàlɛ̀ zang vuu ɓɔɔ kpang ɓɛɛ.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.