Galati 3:16 - Nyaa Shɔɔ Ɓɔɔ Laa a Ɓɛɛ

¹⁶ Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:16 ပူးပေါင်းရင်းမြစ်များ

Matiyu 1:1

Labeenang keɓe ka yuu zɔ̃ng ɓɔɔ zang yi Yeesɔ Kirisi kagn ɓɛɛ. Yeesɔ Kirisi nwangnɛ zɔ̃ng Dawuda ɓɔɔ ɓi zɔ̃ng Ibirayi ɓɛɛ.

Luka 1:55

naa ɓɔɔ wu a rɛɛ daa ɓuru nyaa ka tĩng ɓɛɛ. Nɛɛ gn dabang ɓuru Ibirayi nɛɛ zɔ̃ng ɓiɓɛ, naa kɔng wu sasak koo naa waa nyaa nɛɛ mani.”

Zang Shonang Yeesɔ 3:25

Nɔkɔ kaa wujɛ rɛɛ zang nyaa shonang Laa keɓe. Nɔkɔ ti tà vuu ɓɔɔ Laa a nyaa, nɛɛ wu a rɛɛ dabang manɛ ɓɛɛ kati. Laa kɔɔ Ibirayi tɔɔ, ‘N a zang koo keɓe nandon tĩnang tãanang nɛɛ bii zɔ̃ng ɓaaɓɛ kɔ.’

Rooma 12:5

Ruu doo nɔngkɔ. Ruu dɔɔli, a ruu nwang kaa naa bii gbete kɔ nwani, ka ruu ɓɔɔ, ruu ɓakɛ bii gbete nɛɛ Kirisi ɓɛɛ. Zang ɓu yi zɔɔ naa ka bii.

Rooma 4:13

Laa a Ibirayi nɛɛ zɔ̃ng ɓiɓɛ nyaa, nɛɛ koo keɓe naa nwang ɓɔɔ ɓarɛ. Laa a nyaa keɓe wu ka ruu ɓɔɔ Ibirayi dũng nyaa ɓɔɔ Laa dang ɓɛɛ kpang. Ɓi ka ruu ɓɔɔ shing danggn ka bii Laa, a Laa ta wu kati nɛɛ wu zang tɔ̃ɔ ɓɛɛ.

Rooma 4:16

Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

1 Koranti 12:12

Nɔɔ zi tɔ nɛɛ vuu ɓɔɔ ɓakɛ, a raa bii shɔnzang ka zɔ̃ng zɔ̃ng. A bii shɔnzang ɓi kaa gbete kɔ nwani, vuu keɓe ri ɓakɛ zɔɔ nɔng gbete, tɔ̀ɔ, ri nwang kaa bii gbete. Yeesɔ Kirisi nwang doo nɔngkɔ.

1 Koranti 12:27

Ɓɔɔ manɛ, nɔɔ nandon nɔɔ ɓakɛ zɔɔ tɔ, nɔkɔ manɛ kaa bii Kirisi ɓɔɔ ɓi gbete ɓɛɛ. Zang ɓu ka teteng manɛ, ka bii keɓe kɔ.

2 Koranti 11:22

Ri zang Yahudi ya? N m dòo nɔngkɔ. Ri zang Isirela ya? N m dòo nɔngkɔ. Ri zang zɔ̃ng Ibirayi ya? N m dòo nɔngkɔ.

Galati 3:19

Zang dang nyaa ɓu ka ruu viya? Nɛɛ zang zi vuu ɓɔɔ zang ɓaa nɛɛ vuu shi kpang palɛnang kati. Zɔ̃ng Ibirayi keɓe, ɓɔɔ Laa a nyaa ka yuu ɓiɓɛ nɛɛ a tɔ, nyaa dannang ti di nyaa ɓi kaa tɔ. Zang nyaa shonang Laa ɓɔɔ ka lapa ɓɛɛ rikɔ atɛ nyaa dannang keɓe, a á shɔnzang gbete ɓɔɔ nwang ɓi kaa naa zang ɓɔɔ shii ka teteng Laa nɛɛ zang piti ɓɛɛ.

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

Afisa 5:32

Ruu niizang ɓɔɔ bang, ɓɔɔ ruu keɓe nwangsɛ kagn, n zirɛ, zang rang yee ɓi ka yuu Kirisi nɛɛ zang ɓɔɔ ri dũng wu ɓɛɛ.

Kolosi 2:19

di yuu ɓi tɔ̀ɔ́ ka bii Yeesɔ Kirisi ɓɔɔ wukɔ zang bang ɓuru kpang. Yeesɔ ɓɔɔ wukɔ yiti bii ɓiɓɛ nandon ka nɔng gbete, ka nɔng ɓɔɔ bii tiisi ɓɛɛ nɛɛ hĩiri, a bii bangnɛ naa ɓɔɔ Laa kasɛ wu bang ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.