Galati 3:14 - Nyaa Shɔɔ Ɓɔɔ Laa a Ɓɛɛ

¹⁴ Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Galati 3:14 ပူးပေါင်းရင်းမြစ်များ

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

Zang Shonang Yeesɔ 5:32

Ruu zi vuu keɓe tɔ, nɛɛ jĩng ɓuru, ruu ti kɔɔrɔ zang. Rùu nɛɛ Suru Laa ɓɔɔ Laa a zang ɓɔɔ ri ɓaa shoo ka nyaa ɓiɓɛ ɓɛɛ.”

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:2

Ń hɛ̃ɛ nɔɔ ruu gbete keɓe, Laa a nɔɔ Suru ɓiɓɛ ka ruu ɓɔɔ nɔɔ palɛ vuu ɓɔɔ nyaa dannang kasɛ ɓɛɛ ya, kɔ ka ɓɔɔ nɔɔ tãa Ruu Tɔ̃ɔ, a nɔɔ shing danggn ɓɛɛ?

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Afisa 2:22

Zang mãa nɔɔ kana jong ka bii ɓiɓɛ nɔng gbete, tɔ̀ɔ, nɔ́ɔ raa gãa ɓɔɔ Laa nwàng kagn nɛɛ bii Suru ɓiɓɛ ɓɛɛ.

Afisa 3:16

N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.