Galati 2:9 - Nyaa Shɔɔ Ɓɔɔ Laa a Ɓɛɛ

⁹ Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

Galati 2:9 ပူးပေါင်းရင်းမြစ်များ

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Zang Shonang Yeesɔ 12:17

Kɔɔ ri nɛɛ naa, nɛɛ ri vɔ̃ nyaa. A kɔɔ ri naa ɓɔɔ Laa nwangsɛ wu nɛɛ sãa kati. Kɔɔ ri tɔɔ, “Nɔɔ kɔɔ Yakub nɛɛ rɛɛ manzung ɓɔɔ nimbang ruu keɓe.” A yaa ri, daa ɓi kaa nɔng ɓɔɔgn.

Zang Shonang Yeesɔ 15:13

Ri hangsɛ yee ranang tɔ, a Yakub rang yee kati tɔɔ, “Nɔɔ ɓaa shoo karɛ rɛɛ manzung.

Zang Shonang Yeesɔ 15:7

Ri làa zɔɔ nyaa tɔ gbãng gbãng, a Bituru yupaa kɔɔyi tɔɔ, “Rɛɛ manzung, nɔɔ zi tɔ diki bee tɔ ɓɔɔ Laa zɔ̃ng m ka teteng manɛ, nɛɛ n kɔɔ zang ɓɔɔ ri zang Isirela kpang Ruu Tɔ̃ɔ ɓiɓɛ, tɔ̀ɔ, ri tãayi, ri ti shing danggn ɓɛɛ.

Zang Shonang Yeesɔ 4:36

Ri palɛ kana naa weɓe, a Yusufu zɔ̃ng Leevi, yɔɔ Kuburu ɓɔɔ rɛɛ zang shonang Yeesɔ ri a wu nung nɛɛ Baranaba (dĩiri nung keɓe ɓi, “Jaa ɓɔɔ mã zang danggn ɓɛɛ.”)

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

Rooma 15:15

Ka labeenang kɔ n bèé nɔɔ ɓee, n waasɛ nɔɔ vuu ɓɔɔ kpang ka yuu vuu ɓɔɔ, n kpaa nɔɔ danggn ɓarɛ ɓɛɛ. N waasɛ nɔɔ vuu ɓɔɔ kpang, ka ruu bannang ɓɔɔ Laa a m ɓɛɛ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

2 Koranti 11:5

N zi tɔ, n m dòo naa zang kɔ nɔɔ rɛ̃rɛ manɛ nɛɛ rikɔ zang shonang Yeesɔ ɓɔɔ bang bang, nɛɛ ri ɓa m katɔ ɓa kɔ.

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

2 Koranti 8:4

Ri gàa ruu, ri ti bàkɛ̀ ruu nɛɛ ruu yaa ri jong ri yi zang ɓɔɔ ri dũng doo Laa kɔ, ɓɔɔ ri ka tipi Yahudi naa jong ka bii.

Galati 1:16

nɛɛ wu nwangsɛ m Jaa ɓiɓɛ, nɛɛ tɔ̀ɔ n kɔɔ zang ɓɔɔ ri zang Yahudi kpang, Ruu Tɔ̃ɔ ɓɔɔ ka yuu Jaa keɓe. N daa ka bii zang ɓɔɔ nɛɛ wu kɔɔ m vuu ɓɔɔ wu zi ka yuu vuu keɓe kpang.

Galati 1:18

Sáa naa ɓa tɔ taati, a n daa ka Urushalima, n tɔɔ n daa zi Bituru nung kaa waasɛ̃, a n nwang nɛɛ wu diki kopi tu maani.

Galati 2:1

Sáa naa ɓa tɔ kopi tu dɛ̃ɛti, n daa Urushalima tɔkn nɛɛ Baranaba. Ruu daa nɛɛ Titu ning.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.