Galati 2:4 - Nyaa Shɔɔ Ɓɔɔ Laa a Ɓɛɛ

⁴ Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 2:4 ပူးပေါင်းရင်းမြစ်များ

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

Zang Shonang Yeesɔ 15:1

Zang ɓɔɔgn, ri a nɛɛ tipi Yahudi ka Antakiya, a ri tusu zang ɓɔɔ ri shing danggn tɔ nɛɛ, “Nɔɔ nɛɛ yee shaa naa ɓɔɔ Musa dang nyaa ɓɛɛ kpang, Laa ta yuu manɛ kpang.”

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

Zang Shonang Yeesɔ 20:30

Ka teteng manɛ, zang ɓɔɔ ri naa risi ruu niizang ditɔ, wu nwang kaa naa sèé, nɛɛ tɔɔ ri gɔ̃ɔ zang ɓɔɔ ri dũng Laa ri dũng kaa rikɔ.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

2 Koranti 11:17

Vuu kɔ n kɔɔ ɓee, wu vuu ɓɔɔ Kpanti Yeesɔ nɛ̀ɛ́ a m naa katɔ n kɔɔyi ɓɛɛ kpang. Ka yuu ruu bang bang kɔ n rangkɛ ka yuu mɛɛ ɓee, n rang yee m naa shoko.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

Galati 1:7

Niizang, ruu tɔ̃ɔ ɓɔɔgn ɓi kagn kpang. N kɔɔ nɔngkɔ, ka ruu ɓɔɔ, zang ɓɔɔ kagn ri kpantɛ nɔɔ jĩng, ri kãa gbalang ɓɔɔ ri kɔ̃sɔ Ruu Tɔ̃ɔ Kirisi katɔ ɓɛɛ.

Galati 4:25

Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Galati 5:10

Ɓɔɔ mɛɛ, sisĩng lɔɔ m ka ruu manɛ kpang. Yuu ɓɔɔ ruu kpalɛ nɛɛ nɔɔ ka bii Yeesɔ Kirisi kɔ shing m sisĩng lɔɔ m kpang. N zi tɔ, nɔɔ ta ruu ɓɔɔgn kpang, a zang ɓɔɔ kpantɛ nɔɔ jĩng keɓe, naa doo wiya, Laa naa dang wu jĩng ditɔ.

2 Timoti 3:6

Zang ɓɔɔ ka teteng ɓarɛ ri naa dàarɛ́ zang ka gãa. Ri ɓá kaka zang soro ɓɔɔ ri lakɛ yeti kɔ̃sɔnang kpang ɓɛɛ. Ɓɔɔ ri rɛ̃rɛ ɓi ka yuu vuu shi kpang ɓarɛ ɓɛɛ. Ri kasɛ ri palɛ ɓarɛ, vuu ɓɔɔ bii ɓarɛ kasɛ ɓɛɛ.

Yakubu 1:25

Zang ɓɔɔ nɛɛ shing jĩng ka nyaa dannang Laa ɓɔɔ ta yuu ɓuru katɔ waasɛ̃. Nɛɛ dũngnɛ sasak, nɛɛ nwang zang ɓɔɔ tãa ruu, danggn ning wu kpang, nɛɛ ti palɛ vuu ɓɔɔ wu tãa ɓɛɛ katɔ. Laa shing zang keɓe wu tãa tĩnang ka vuu ɓɔɔ wu palɛ piti.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.