Galati 1:8 - Nyaa Shɔɔ Ɓɔɔ Laa a Ɓɛɛ

⁸ A naa nɛɛ doo rukɔ, nɛɛ zang nyaa shonang Laa ɓɔɔ ka lapa, nɛɛ kɔɔ Ruu Tɔ̃ɔ ɓɔɔgn, wu ɓɔɔ ruu kɔɔ nɔɔ tĩng shɔɔnang kpang, zang dɔng wu ruu, zang tasɛ wu ka waa bang.

Galati 1:8 ပူးပေါင်းရင်းမြစ်များ

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Maraku 14:71

A Bituru gaa tɔɔsung ruu shi kpang kɔɔrɔnang ka yuu ɓiɓɛ, nɛɛ Laa tũnnang ning tɔɔ, “N zi yɔɔ kɔ nɔɔ kɔɔ ruu ɓiɓɛ m kpang.”

Zang Shonang Yeesɔ 23:14

A ri daa ka bìí rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang bang bang zang Yahudi, ri kɔɔ ri tɔɔ, “Ruu tũng zɔɔ vuu tɔ gbãng gbãng nɛɛ ruu nɛɛ nyɔ Bulu vɔrɔ gn kpang, nyaa ɓuru lèe vuu shaanang kpang.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

1 Koranti 12:3

Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

Galati 1:9

Ruu kɔɔ ruu keɓe tɔ ka tĩng, ruu ti paasɛ kɔɔnang tɔkn nɛɛ, zang ɓɔɔgn nɛɛ kɔɔ nɔɔ Ruu Tɔ̃ɔ ɓɔɔ naabm nɛɛ ɓɔɔ nɔɔ ta ɓɛɛ, zang wu dɔng wu ruu, zang tasɛ wu ka waa bang.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Titu 3:10

Zang ɓɔɔ nɛɛ tɔɔ wu basɛ teteng zang, shàarɛ̀ wu nyaa doo ziti kɔ nwani. Ka knti weɓe, ruu ɓaaɓɛ wu hãa tɔ̀ɔ́ kagn nɛɛ wu kpang.

2 Bituru 2:14

Ri pɛ̃ɛrɛ vuu ɓɔɔ ɓarɛ kpang, diki diki jĩng ɓarɛ ɓi ka zang soro ɓɔɔ ri rakɛ, wàázaa ɓɛɛ, tɔ̀ɔ, ri palɛ dũndũng nɛɛ ri. Ri lee vuu shi kpang palɛnang ɓarɛ kpang. Naa ri zi zang ɓɔɔ shii ka gbalang Laa nɛɛ kaka kpang, ri nwãarɛ ri, ri shing ri, ri palɛ vuu shi kpang. Ri shing jĩng ɓarɛ ka vuu zang kɔ diki, diki. Zɔ̃ng zang ɓɔɔ naa weɓe, Laa dɔng ri ruu ɓarɛ tɔ.