Galati 1:21 - Nyaa Shɔɔ Ɓɔɔ Laa a Ɓɛɛ

²¹ Nɛɛ knti, n naa daarɛ ka nɔng ɓɔɔ ka tipi Siriya nɛɛ tipi Silisiya.

Galati 1:21 ပူးပေါင်းရင်းမြစ်များ

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 15:23

A zang shong ri nɛɛ labeenang keɓe tɔɔ, “Rukɔ zang shonang Yeesɔ, ruu nɛɛ rɛɛ zang bang bang, ɓɔɔ ruu manzung manɛ ɓɛɛ, ruu shong nyaa nɛɛ zang jèe ruu rɛɛ manzung ɓuru ɓɔɔ ri ɓarɛ zang Isirela kpang, a ri zi Laa ɓarɛ tɔ kati ɓɛɛ. Ɓɔɔ ri nwang ka Antakiya nɛɛ tipi Siriya nɛɛ Silisiya ɓɛɛ.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 18:18

Bulu nwang nɛɛ zang ɓɔɔ ri dũng Laa ka Koranti tɔkn diki bee wu katɔ, a naa yaa ri. Naa vang laana nɛɛ rɛɛ Pirisila nɛɛ Akpiila, ri daa tipi Siriya. Ka gari Sensheriya, Bulu yele suuyuu ɓiɓɛ, ka ruu ɓɔɔ, bɛ̀ɛ́ a Laa nyaa nɛɛ wu yélè suuyuu ɓiɓɛ kpang ɓɛɛ.

Zang Shonang Yeesɔ 21:3

Ruu a tɔ ka nɔng ɓɔɔ ruu zi gari Kuburu kaa tɔ ɓɛɛ, ruu yaa wu kaa ka nagang. Ruu daa ɓuru kaa tipi Siriya, ruu naa shooro ka gari Taya ka ruu ɓɔɔ laana wìtí zang vuu ka nihn kɔ ɓɛɛ.

Zang Shonang Yeesɔ 21:39

A Bulu kasɛ wu nyaa tɔɔ, “N m zang Yahudi, zang yi m ka gari Taasu ka tipi Silisiya. Zang zi gari ɓuru tɔ dɔɔli. Yàa m gbalang jong n ràng zang kɔ ri kpalɛ ɓee yee.”

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 23:34

Gɔmna gã labeenang bìí, a hɛ̃ɛ Bulu nɛɛ wu zang tipi kiya? Zang kɔɔ wu nɛɛ wu yɔɔ tipi Silisiya.

Zang Shonang Yeesɔ 6:9

A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 9:30

Ɓɔɔ rɛɛ zang shonang Yeesɔ ri tãa nyaa, ri tuu Shaawulu ri daa nɛɛ wu ka gari Kayisariya. Ri daa shing wu nɛɛ wu dita ka gari Taasu.