Filipi 4:19 - Nyaa Shɔɔ Ɓɔɔ Laa a Ɓɛɛ

¹⁹ Laa mɛɛ, vuu naa ɓiɓɛ kagn dɔɔli, ɓɔɔ wu a zang nɛɛ bii Yeesɔ Kirisi ɓɛɛ, a nɔɔ vuu ɓɔɔ nɔɔ kasɛ ɓɛɛ ditɔ nandon.

Filipi 4:19 ပူးပေါင်းရင်းမြစ်များ

Matiyu 6:32

Ɓi zang ɓɔɔ ri dũng Laa kpang kɔ, ri shing jĩng ka vuu keɓe. A Daa manɛ ɓɔɔ ka lapa zi tɔ nɛɛ nɔɔ kasɛ vuu keɓe katɔ piti.

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Rooma 11:33

Laa pàlɛ́ zang tɔ̃ɔ dɔɔli, ti zũng dɔɔli, a zi vuu piti. Zang ɓɔɔ zi naa ɓɔɔ Laa shii ka yuu vuu kpang, ruu ti zi gbalang ɓiɓɛ kpang.

Rooma 2:4

Mɔɔ rɛ̃̀rɛ̀ waasɛ̃ ka yuu Laa kpang, ka ruu ɓɔɔ, palɛ mɔɔ tɔ̃ɔ dɔɔli, a dang mɔɔ jĩng tantɛnang kpang, a ti mã danggn nɛɛ mɔɔ dɔɔli ɓɛɛ ya? Laa pàlɛ́ mɔɔ tɔ̃ɔ, nɛɛ tɔ̀ɔ mɔɔ kɔ̃sɔ yeti ɓaaɓɛ kati.

Rooma 8:18

N zi tɔ, jĩng kɔ ruu dang kãntang ɓee, daa naa ɓɔɔ zang gãsɛ nɛɛ bannang ɓɔɔ Laa naa a ruu ɓɛɛ kpang.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

2 Koranti 12:21

N kaa vɔrɔ naa n paasɛ anang tɔkn ka bii manɛ, Laa naa shingnɛ, yusɛ̃ɛ wu tuu m ka ruu manɛ. N naa káa ka ruu zang dɔɔli ɓɔɔ ri palɛ vuu shi kpang tɔ, a ri kɔ̃sɔ yeti kpang ɓɛɛ. Ri kɔ̃sɔ yeti vuu sãnsãnrãng, nɛɛ dũndũng, nɛɛ vuu yusɛ̃ɛ ɓɔɔ ri palɛ ɓɛɛ kpang.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 3:16

N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Filipi 4:7

Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

Filimon 1:4

Filimon, n zãa Laa mɛɛ diki diki ka ruu ɓaaɓɛ, n nɛɛ ɓaa nung ɓaaɓɛ tɔ, ka ɓɔɔ n gaa Laa ɓɛɛ.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.