Filipi 4:18 - Nyaa Shɔɔ Ɓɔɔ Laa a Ɓɛɛ

¹⁸ Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

Filipi 4:18 ပူးပေါင်းရင်းမြစ်များ

Zang Shonang Yeesɔ 10:4

Koneliyu ã̀tɛ zang nyaa shonang Laa ɓɔɔ ka lapa ɓɛɛ jĩng ka bii. Bii kaa wu vɔrɔ, a kasɛ nyaa tɔɔ, “Ɓu viya Kpanti.” Zang nyaa shonang Laa ɓɔɔ ka lapa, kasɛ wu nyaa tɔɔ, “Laa tãa gaanang ɓɔɔ mɔɔ gaa wu tɔ. Ti zi tɔ̃ɔ ɓɔɔ mɔɔ pàlɛ́ zang tɔ, ka ruu nɔngkɔ, danggn ɓaaɓɛ ning Laa kpang.

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

2 Koranti 11:8

Ka ɓɔɔ bɛ̀ɛ́ n palɛ shonang ka teteng manɛ, zang ɓɔɔ ri dũng Laa, ɓɔɔ ri ka nɔng ɓɔɔgn rikɔ shu m. Nwang kaa naa ɓɔɔ n ta ri vuu nɛɛ ɓangge, tɔ̀ɔ, n yi nɔɔ naa nɛɛ mani ka bii ɓɛɛ.

2 Koranti 9:12

Ka ruu ɓɔɔ, vuu kɔ nɔɔ palɛ ɓee, a wu zang ɓɔɔ ri dũng Laa kɔ shɛ̃ɛning vuu ɓɔɔ ri kasɛ ɓɛɛ kpang, ti shing jong zang dɔɔli ri zãa Laa.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 4:12

Ǹ zi naa ɓɔɔ n palɛ, n nwangnɛ, vuu ka naa mɛɛ kpang ɓɛɛ tɔ. N ti zi naa ɓɔɔ n nwang vuu mɛɛ kagn gaagaa tɔ. Naa doo ka zɔ̃ng nwannang kiya, n kpɛ̃ɛrɛ yuu mɛɛ tɔ. Naa nyɔkɔ nyɔ m, naa n puu doo katɔ, naa vuu kagn dɔɔli, naa vuu kagn kpang, n zi naa ɓɔɔ n shii gbãng gbãng tɔ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.