Filipi 4:17 - Nyaa Shɔɔ Ɓɔɔ Laa a Ɓɛɛ

¹⁷ N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Filipi 4:17 ပူးပေါင်းရင်းမြစ်များ

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Rooma 15:28

N nɛɛ hangsɛ shonang keɓe tɔ. N nɛɛ a ri vuu ɓɔɔ ri kpalɛ ri tɔ nandon. N yupaa daanang Asabaniya kati, n leng nɔɔ kaa gbalang.

2 Koranti 11:16

N pàasɛ́ ruu keɓe tɔkn, zang ɓɔɔ wu tɔɔ kpang nɛɛ, n shoko kpang. Naa nɔɔ nɛɛ kɔɔ doo katɔ piti, nɔɔ ta m naa shoko gbã̀ágbãa, tɔ̀ɔ, n naa walɛ gbalang tɔkɔlɔng n rangkɛ yee bang bang ka yuu mɛɛ.

2 Koranti 9:5

Ka ruu nɔngkɔ, n rɛ̃rɛ ka yeti, n tɔ̀ɔ, naa n dɔ̃ rɛɛ manzung ɓuru keɓe ka tĩng ka bii manɛ, ri daa kpalɛ vuu ɓɔɔ nɔɔ tɔɔ nɔɔ a zang ɓɛɛ wukɔ tɔ̃ɔ. N a m kaa knti. Ɓɔɔ n arɛ bɛ̀ɛ́ nɔɔ kpalɛ vuu tɔ, tɔ̀ɔ, wu nwang kaa naa nɔɔ kasɛ katɔ nɔ́ɔ a zang, zang mã nɔɔ nyaa katɔ kpang.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 4:11

N kɔɔ ruu keɓe, wu ka ruu ɓɔɔ vuu ɓɔɔ n kasɛ kagn ɓɛɛ kpang. Ka ruu ɓɔɔ, n kpɛ̃ɛrɛ yuu mɛɛ tɔ nɛɛ, vuu wu daa m katɔ, naa nwannang mɛɛ doo naa viya?

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

Yahuza 1:11

Jĩng dannang kagn yuu ɓarɛ. Ri sɔ̀ɔ gbalang Kayinu. Ka ruu saka ɓɔɔ ri kasɛ ɓɛɛ, ri pálɛ́ vuu shi kpang ɓɔɔ Balamu pálɛ́ ɓɛɛ tɔ. Ri taarɛ yuu naa Koora, a zang ti ningsi ri naa ɓɔɔ zang nyɔ wu vɔrɔ ɓɛɛ.