Filipi 3:19 - Nyaa Shɔɔ Ɓɔɔ Laa a Ɓɛɛ

¹⁹ Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

Filipi 3:19 ပူးပေါင်းရင်းမြစ်များ

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Luka 12:19

Tɔ̀ɔ, n kɔɔ bii mɛɛ kati nɛɛ, ‘Mɔɔ walɛ vuu tɔ̃ɔ tɔ̃ɔ ɓɔɔ mɔɔ kasɛ ɓɛɛ tɔ, nung saa gaagaa. Nwang ta mɔɔ shaa vuu shaanang, mɔɔ ɓoo ɓɔɔ ɓoonang, mɔɔ tãa tĩnang kati.’

Luka 16:19

“Zang ying ɓɔɔ kagn, hãlɛ fɔ̃ɔrɔ ɓɔɔ shaa nyaa dɔɔli ta bii nwɛ̃ɛri pursung, a ti tãa ɓi tĩnang diki diki.

Luka 18:4

Yɔɔ ɓɔɔ jɛ̃ɛ zang ruu kaɓa, ti yee laa ɓi ka wu kpang. A yɔɔ bìí naa rɛ̃rɛ nɛɛ knti tɔɔ, ‘N zi tɔ, n kaa vɔrɔ Laa kpang, n ti a shɔnzang bannang m kpang.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Rooma 6:21

Nɔɔ wàlɛ̀ ɓu vi ka vuu ɓɔɔ nɔɔ pálɛ́, ɓɔɔ kãntang keɓe yusɛ̃ɛ ɓarɛ tuu nɔɔ kaa tɔ ɓee viya? Vuu kaɓa nwàng nɔɔ vɔrɔ.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 5:2

Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

2 Koranti 11:15

Ka ruu nɔngkɔ, naa zang shonang ɓiɓɛ ri risi yuu ɓarɛ naa zang shonang Laa ɓɔɔ ɓi zang tɔ̃ɔ, wee ɓi vuu ɓɔɔ kpang. Nɛɛ knti, Laa naa dang ri jĩng teetee nɛɛ vuu ɓɔɔ ri palɛ ɓɛɛ.

Galati 6:13

Naa doo zang ɓɔɔ ri yee shaa, ri dũng nyaa ɓɔɔ zang dang ɓɛɛ kpang. Ri kasɛ ɓarɛ nɛɛ nɔɔ yee shaa, nɛɛ tɔ̀ɔ ri tuu yuu ɓarɛ kati nɛɛ nɔɔ kasɛ tɔ zang yee nɔɔ shaa tɔ.

Filipi 2:21

Zang nimbang ri nandon, zang ɓu rɛ̃̀rɛ́ ɓi ka yuu vuu ɓɔɔ a wu tĩnang ɓɛɛ, ri rɛ̃̀rɛ̀ ɓarɛ ka yuu Yeesɔ Kirisi kpang.

Kolosi 3:2

Nɔɔ rɛ̃̀rɛ̀ manɛ ka yuu vuu ɓɔɔ ri ka nɔng kaɓa ɓɛɛ, wu ka yuu rɛɛ vuu ɓɔɔ ka koo ka nihn ɓɛɛ kpang.

2 Tesalonika 1:9

Ri naa dang jĩng ɓɔɔ waa nyaa kpang, ɓɔɔ zang ningsi ri dòndòng ɓɛɛ. Laa naa ku ri ka biling, ri daa nɔng ɓɔɔ Kpanti ɓuru kagn kpang. Ri zi bannang ɓiɓɛ kpang dòndòng.

2 Tesalonika 2:12

Laa palɛ nɔngkɔ, tɔ̀ɔ, zang piti ɓɔɔ ri shing danggn ka ruu ɓɔɔ niizang ka yuu Kpanti ɓuru Yeesɔ kpang, ri tãa ɓarɛ tĩnang vuu shi kpang ɓɔɔ ri palɛ ɓɛɛ, tɔ̀ɔ, wu kɔɔ kati nɛɛ ri palɛ vuu shi kpang tɔ.

2 Tesalonika 2:8

Tɔ̀ɔ, Laa wu nwangsɛ zang ɓɔɔ dũ̀ng nyaa dannang ɓi kpang kati. Kpanti Yeesɔ Kirisi nɛɛ a tɔ naa nyɔ wu vɔrɔ, wu ti ningsi wu nɛɛ ɔ̃kɔnang nyaa ɓiɓɛ.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

2 Timoti 3:4

Ri ɓarɛ zang ɓɔɔ mɔɔ shing gn ka bii ɓarɛ kpang. Ri naa rɛ̃̀rɛ̀ ka gbongkarɛ tɔ̀ɔ, ri pálɛ́ vuu kpang, ri naa lakɛ jĩng dɔɔli. Ri naa kasɛ vuu ɓɔɔ ri tãa tĩnang kagn ɓa ɓɔɔ ri kasɛ Laa katɔ.

Yakubu 4:16

Ɓɔɔ kãntang keɓe nɔɔ lakɛ jĩng, a nɔɔ rang ruu bang bang ka yuu manɛ. Ruu bang bang ɓɔɔ nɔɔ kɔɔrɔ ka yuu manɛ naa weɓe ɓi vuu shi kpang.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 2:13

Laa naa dang ri jĩng jong ka ruu ɓɔɔ ri dang zang jĩng ɓɛɛ. Zang keɓe, ri kasɛ nɛɛ ri tãa ɓarɛ tĩnang naa doo nɛɛ laagɛ̃ piti. Nwannang ɓarɛ ɓi vuu ɓɔɔ shingnɛ yusɛ̃ɛ tuu nɔɔ ɓɛɛ. Ri nwalɛ nɛɛ nɔɔ, ri shaa vuu shaanang a ɓeekpang ri nwãarɛ nɔɔ manɛ waati. Ri palɛ ɓarɛ vuu shi kpang ɓɔɔ ri kasɛ ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Vuu ɓɔɔ zang nwangsɛ Yɔhana 18:7

Naa ɓɔɔ ɓeleng wu a yuu ɓiɓɛ bannang, a ti nwangnɛ tãa tĩnang ɓɛɛ, wu ti dang jĩng ta, wu ti zaa doo nɔngkɔ teetee. Ka ruu ɓɔɔ, kɔɔrɔ yuu ɓiɓɛ nɛɛ, ‘N m kpanti, n m suvɔ kpang. N kaa nyavɔ m kpang dòndòng ɓɛɛ.’ ”

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.