Filipi 3:12 - Nyaa Shɔɔ Ɓɔɔ Laa a Ɓɛɛ

¹² N tɔɔ kpang nɛɛ n walɛ rɛɛ vuu ɓɔɔ n shing jĩng mɛɛ kagn ka tĩng kaɓa kpang, n ti tɔɔ kpang nɛɛ shi kpang kagn ka bii mɛɛ kpang, kpang. N daa m nɛɛ tĩng, tɔ̀ɔ, n naa yiti rɛɛ vuu kaɓa naa ɓɔɔ Yeesɔ Kirisi yiti m jong ɓɛɛ.

Filipi 3:12 ပူးပေါင်းရင်းမြစ်များ

Matiyu 5:48

Ka ruu nɔngkɔ, nɔɔ nwang zang tɔ̃ɔ doo naa ɓɔɔ Daa manɛ ɓɔɔ ka lapa nwang ɓɛɛ kɔ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 8:39

Naa doo vuu ɓɔɔ ka lapa, nɛɛ vuu ɓɔɔ ka tipi dii. Vuu ɓɔɔ kagn ka teteng vuu ɓɔɔ Laa mã́arɛ̀ ɓɔɔ zunung ɓɔɔ wu basɛ ruu, nɛɛ kasɛnang ɓɔɔ Laa tusu ruu nɛɛ bii Kpanti ɓuru Yeesɔ Kirisi ɓɛɛ kpang.

1 Koranti 13:10

Ka diki ɓɔɔ Laa naa shing vuu piti, wu nwang nyaa kiiri, ka diki kaɓa kɔ, vuu ɓɔɔ wu nyaa kiiri kpang keɓe, ri waa nyaa kati.

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

1 Koranti 9:24

Naa zang gɛ̃ɛ zang nɛɛ ri yurɛ, zang dɔɔli ri yuku, a zang a ɓi kaa zang gbete, ɓɔɔ à tĩng shɔɔnang kɔ vuu. Nɔɔ yuku nabm, tɔ̀ɔ, zang wu a nɔɔ vuu.

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 3:16

Vuu ɓɔɔ ɓa vuu piti ɓɛɛ, ruu dũng rɛɛ vuu ɓɔɔ bɛ̀ɛ́ ruu dũng ɓɛɛ kɔ sasak.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 6:19

Naa ri palɛ naa weɓe, ri kpàlɛ́ yuu ɓarɛ, vuu ɓɔɔ ri lòó ɓarɛ doo vuu ɓɔɔ naa yi ri naa ka bii ka tĩng ɓɛɛ. Tɔ̀ɔ, ri walɛ suru bii ɓɔɔ niizang ɓɛɛ kati.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Yakubu 3:2

Ka ruu ɓɔɔ rùu nandon jĩng kpantɛ ruu katɔ diki diki ɓɛɛ. Zang ɓɔɔ nɛɛ tɔɔ, nyaa kpantɛ wu ɓi jong ka nɔng yee rannang kpang, zang keɓe ɓi shɔnzang tɔ̃ɔ ka vuu ɓɔɔ wu palɛ ɓɛɛ. Zunung naa ɓɔɔ wu shing yuu ɓiɓɛ katɔ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.