Filipi 3:11 - Nyaa Shɔɔ Ɓɔɔ Laa a Ɓɛɛ

¹¹ Tɔ̀ɔ, Laa nɛɛ kasɛ tɔ, Laa wu wisi m paa jong naa ɓɔɔ wisi wu paa ɓɛɛ.

Filipi 3:11 ပူးပေါင်းရင်းမြစ်များ

Luka 14:14

Laa naa a mɔɔ tĩnang tãanang ditɔ, ka ruu ɓɔɔ, ri naa ɓàa mɔɔ nyaa ɓarɛ kpang ɓɛɛ. Laa naa shu mɔɔ ɓi kaa diki ɓɔɔ Laa naa wisi zang ɓɔɔ ri ɓaa shoo ka yee ɓiɓɛ paa nɛɛ saa ɓɛɛ.”

Yɔhana 11:24

Mata kasɛ wu nyaa tɔɔ, “N zi tɔ, naa yupaa ditɔ ka diki ɓɔɔ Laa naa wisi zang paa nɛɛ sàa, ka diki ɓɔɔ koo waa nyaa ɓɛɛ.”

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 26:7

Nyaa ɓɔɔ rɛɛ zɔ̃ng ɓuru kopi tu ziti, ri shing danggn nɛɛ Laa a ri, ka ɓɔɔ ri bang Laa nɛɛ laagɛ̃ nɛɛ zĩi piti ɓɛɛ. Kpanti, ka ruu danggn kɔ n shing ɓee kɔ, zang Yahudi ri kɔɔrɔ ruu shi kpang ka yuu mɛɛ.

Zang Shonang Yeesɔ 27:12

Nɔng ɓɔɔ laana ri shiiri kagn kaɓa, ka laa pũngku shi kpang, a zang dɔɔli ri kɔɔyi nɛɛ ri yáa nɔng bii katɔ. Ri daa ka gari Fonisi ri daa nwang ka nɔngkɔ. Ka laa pũngku, Fonisi ɓi doo nɔng ɓɔɔ laana ri shiiri kagn ka tipi Karita ɓɛɛ kɔ. Ka nɔng keɓe kɔ zang yi gbalang daanang nɔng ɓɔɔ ka paa nɔng ɓɔɔ laa nwang nyaa kagn nɛɛ nɔng ka dii nɔng ɓɔɔ laa hãa nyaa kagn.

Rooma 11:14

Naa n shíng zang zɔ̃̌ng mɛɛ katɔ, ri kaa sũnyaa, tɔ̀ɔ, Laa wu ta yuu zang ɓɔɔ ka teteng ɓarɛ.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Yahudi 11:35

Zang soro ɓɔɔ zang ɓarɛ ɓɔɔ ri vɔlɔ katɔ, zang wisi ri paa tɔkn ningkãari. Zang ɓɔɔ zang tɔ̃̀ɔrɔ ri shoo, kasɛ katɔ nɛɛ zang dang ri jĩng katɔ kɔ jong, ka ɓɔɔ ri nɛɛ yaa danggn ɓɔɔ ri shing ɓɛɛ, a ri vɔlɔ ka ruu ɓɔɔ ri zi tɔ, nɛɛ Laa naa wisi ri paa ditɔ, ri nwang nwannang ɓɔɔ tɔ̃ɔ ka lapa.

Vuu ɓɔɔ zang nwangsɛ Yɔhana 20:5

Zang ɓɔɔ yaa knti ɓɔɔ ri doo ka sàa ɓɛɛ, ri yupaa ɓarɛ kaa knti, ɓɔɔ sáa labang gbete ɓa tɔ ɓɛɛ.