Filipi 2:25 - Nyaa Shɔɔ Ɓɔɔ Laa a Ɓɛɛ

²⁵ N zi ka jĩng mɛɛ tɔ̃ɔ, n shong manzung ɓuru Abafaroditu ɓɔɔ ruu palɛ shonang nɛɛ zɔɔ, a ruu ti ta sĩiri ka bii zɔɔ nɛɛ wu ɓɛɛ. Ɓɔɔ nɔɔ shong wu nɛɛ wu naa yi m naa ka bii ɓɛɛ.

Filipi 2:25 ပူးပေါင်းရင်းမြစ်များ

Yɔhana 13:16

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ pàlɛ́ zang shonang, ɓa dabang gãa ɓiɓɛ ɓi kpang. Zang nyaa shonang ti ɓa zang ɓɔɔ shong wu ɓi kpang.

Yɔhana 17:18

N shong ri ka koo naa ɓɔɔ mɔɔ shong m ka koo ɓɛɛ.

Rooma 16:3

Nɔɔ jèe m Pirisila nɛɛ ɓeevɛ Akpiila nyaa. Zang ɓɔɔ ruu pálɛ̀ Yeesɔ Kirisi shonang nɛɛ ri ɓɛɛ.

Rooma 16:9

Nɔ́ɔ jèe m Urubanu zang ɓɔɔ ruu palɛ shonang Kirisi nɛɛ wu ɓɛɛ nyaa. Nɔɔ ti jèe m masang Isitaki ɓɔɔ n kasɛ wu dɔɔli ɓɛɛ nyaa.

1 Koranti 3:9

Wee ruu ziti ɓee, ruu kpalɛ yuu ɓuru nɛɛ Laa ruu palɛ shonang. Nɔɔ manɛ kaa jaa ɓɔɔ Laa lang ɓɛɛ. Nɔɔ manɛ naa gãa ɓɔɔ Laa mãa ɓɛɛ.

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

Filipi 2:26

Kasɛ ka yeti ɓiɓɛ gbãng gbãng nɛɛ wu zi nɔɔ nandon tɔkn. Vuu bìí kpãa wu dɔɔli, ka ruu ɓɔɔ, nɔɔ tãayi nɛɛ vuu pálɛ́ wu katɔ ɓɛɛ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

Filipi 4:3

N gaa mɔɔ katɔ, zang ɓɔɔ palɛ shonang nɛɛ n, a ti ɓaa shoo ka nyaa mɛɛ ɓɛɛ. Mɔɔ yì rɛɛ zang soro keɓe naa ka bii, ka ruu ɓɔɔ, ri nɛɛ n, ruu palɛ shonang, a ruu ti dang jĩng nɛɛ zɔɔ, ka ɓɔɔ ruu, kɔɔrɔ zang Ruu Tɔ̃ɔ Laa ɓɛɛ. Naa ɓɔɔ Kilema nɛɛ rɛɛ wusang shonang mɛɛ, ɓɔɔ Laa bée nung ɓarɛ tɔ nandon ka yeti labeenang ɓiɓɛ, ɓɔɔ wu beere nung zang ɓɔɔ ri walɛ suru bii ɓɔɔ waa nyaa kpang tɔ, kagn ɓɛɛ.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

Kolosi 4:11

Jashuwa, ɓɔɔ zang ɓaa wu nɛɛ Jusitu ɓɛɛ, jee nɔɔ nyaa jong. Zang taati keɓe rikɔ zang Yahudi ɓɔɔ ri kɔ̃sɔ yeti tɔ, ri palɛ shonang nɛɛ n ka ruu kpanti roonang Laa, a ri ti yi m naa tɔ ka bii gbãng gbãng ɓɛɛ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

Filimon 1:24

Maraku, nɛɛ Arisitaku, nɛɛ Dema, nɛɛ Luka zang ɓɔɔ ruu palɛ shonang nɛɛ ri ɓɛɛ, ri jee mɔɔ nyaa jong.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.