Filipi 2:22 - Nyaa Shɔɔ Ɓɔɔ Laa a Ɓɛɛ

²² A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

Filipi 2:22 ပူးပေါင်းရင်းမြစ်များ

Zang Shonang Yeesɔ 16:2

Zang ɓɔɔ ri shing danggn tɔ ɓɔɔ ri ka Lisitira nɛɛ Ikoniya ri rang yee tɔ̃ɔ ka yuu Timoti.

Rooma 5:4

Danggn mãnang shingnɛ zang wu nwang nwannang tɔ̃ɔ. Nwannang tɔ̃ɔ wu shing ruu, ruu yaa gn naa kaa takpang.

1 Koranti 16:10

Timoti nɛɛ a tɔ ka nɔng manɛ, nɔɔ palɛ vuu naa ɓɔɔ wu tãa tĩnang ɓɛɛ. Ka ruu ɓɔɔ, pàlɛ́ Kpanti Kirisi doo shonang kɔ naa ɓɔɔ n palɛ ɓɛɛ.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

2 Koranti 2:9

N bèe nɔɔ labeenang kaɓa, ka ruu ɓɔɔ, n kasɛ n gãsɛ nɔɔ ɓɛɛ, n zirɛ naa nɔɔ dũng vuu ɓɔɔ n kɔɔ nɔɔ katɔ, ka vuu piti ɓɛɛ.

2 Koranti 8:22

Ka ruu nɔngkɔ, ruu shong manzung ɓuru nɛɛ ri. Ruu gãsɛ wu tɔ dɔɔli, ruu zirɛ, kasɛ katɔ wu yì zang naa ka bii. A wee shing gn tɔ ka bii manɛ gbãng gbãng ɓee, kasɛ kaa tɔ gbãng gbãng wu yi nɔɔ naa ka bii.

2 Koranti 8:24

Ka ruu nɔngkɔ, nɔɔ tusu zang keɓe nɛɛ nɔɔ kasɛ ri katɔ. Zang ɓɔɔ ri shong ri, ri tã̀á nyaa ditɔ, ri zi kaa wukɔ nɛɛ yee bang bang ɓɔɔ ruu rangkɛ ka yuu manɛ, ɓi niizang kɔ nwani.

2 Koranti 8:8

N dang nɔɔ wu nyaa kpang. N kasɛ nɛɛ n gãsɛ zang kasɛnang manɛ nɛɛ ɓɔɔ zang ɓɔɔ ri dũng doo Laa kɔ. Tɔ̀ɔ, n zirɛ nɛɛ niizang kɔ nwani ɓɛɛ.

Filipi 1:12

Manzung ɓɔɔ ri dũng doo Laa kɔ ɓɛɛ, n kasɛ, nɔɔ zirɛ nɛɛ vuu kɔ palɛ m ɓee, shingnɛ Ruu Laa daa ɓi nɛɛ tĩng kɔ jong.

Filipi 1:16

Zang doo knti keɓe ri palɛ nɔngkɔ, ka ruu ɓɔɔ, ri kasɛ m katɔ ɓɛɛ. Ri ti zi tɔ nɛɛ Laa shingnɛ nɛɛ zang mã m ka sãa, tɔ̀ɔ, n tusu zang kati nɛɛ Ruu Laa ɓi niizang kɔ nwani ɓɛɛ.

Filipi 1:5

Ka ruu ɓɔɔ, nɔɔ yì m naa ka bii ka ɓɔɔ n kɔɔrɔ zang Ruu Tɔ̃ɔ Laa ɓɛɛ. Nɔɔ yì m naa kagn ka ɓɔɔ n gáayú ɓɛɛ, à nɛɛ mani kãntang keɓe.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 2:20

Timoti kɔ gbete, rɛ̃rɛnang ɓiɓɛ daa gbete nɛɛ ɓɔɔ mɛɛ, wukɔ ti kasɛ ruu manɛ gbãng gbãng.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 1:2

N bee mɔkɔ Timoti jaa mɛɛ, ɓɔɔ n kasɛ mɔɔ dɔɔli ɓɛɛ. N gaa Laa ɓɔɔ wukɔ Daa ɓuru nɛɛ Kpanti ɓuru Yeesɔ Kirisi, gn ɓaaɓɛ wu kɔng ri katɔ, ri palɛ mɔɔ tɔ̃ɔ, ri ti shingnɛ mɔɔ nwang waasɛ̃.

2 Timoti 3:10

Ɓɔɔ ɓaaɓɛ, mɔ̀ɔ dũng vuu ɓɔɔ n tusu ɓɛɛ tɔ, mɔɔ zi nwannang mɛɛ tɔ, a mɔɔ ti zi vuu ɓɔɔ n shing jĩng mɛɛ kagn tɔ. Mɔɔ zi danggn ɓɔɔ n shing ka bii Laa tɔ, nɛɛ danggn ɓɔɔ n mã nɛɛ zang, nɛɛ naa ɓɔɔ n kasɛ zang ɓɛɛ a ɓɔɔ danggn ɓɔɔ n mã ka jĩng dannang ɓɛɛ.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.