Filipi 2:14 - Nyaa Shɔɔ Ɓɔɔ Laa a Ɓɛɛ

¹⁴ Nɔɔ palɛ vuu piti, nɔ́ɔ gɔ̃ɔrɔ yee kpang, nɔ́ɔ ti laa nyaa kpang.

Filipi 2:14 ပူးပေါင်းရင်းမြစ်များ

Matiyu 20:11

Ri ta saka shonang ɓarɛ tɔ, a ri gɔ̃ɔrɔ yee nɛɛ yɔɔ jaa nɛɛ,

Maraku 14:5

Zang nɛɛ tɔɔ zang mãlɛ́ nung keɓe katɔ, nɛɛ ɓa dinari laa maani dakn taati katɔ. Tɔ̀ɔ, zang nɛɛ a zang ɓɔɔ vuu ka naa kpang, saka bii kati. A ri mangkɛ jaa soro kati.

Maraku 9:14

Ri naa a tɔ bii zang nimbang ɓɔɔ ri mantɛ vuu ka bii Yeesɔ ɓɛɛ, a ri zi zang ɓɔɔ ri kpalɛ zɔɔ gaagaa ka bii ɓarɛ. Zang ɓɔɔ ri tusu zang vuu ti laa nyaa kana nɛɛ ri.

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Zang Shonang Yeesɔ 15:2

Bulu nɛɛ Baranaba ri làa zɔɔ nyaa nɛɛ rɛɛ zang keɓe gbãng gbãng ka ruu ruu keɓe. A zang naa kɔɔyi nɛɛ Bulu nɛɛ Baranaba a ɓɔɔ rɛɛ zang Antakiya ɓɔɔ, ri daa Urushalima. Ri daa hɛ̃ɛ rɛɛ zang shonang Yeesɔ nɛɛ rɛɛ zang bang bang ɓɔɔ ri ka nɔng, ka ruu ruu keɓe.

Zang Shonang Yeesɔ 15:39

Ri hàa nyaa, a ri basɛ zɔɔ. Baranaba ri ɓakɛ zɔɔ nɛɛ Maraku ri vang laana ri daa ka Kuburu.

Zang Shonang Yeesɔ 15:7

Ri làa zɔɔ nyaa tɔ gbãng gbãng, a Bituru yupaa kɔɔyi tɔɔ, “Rɛɛ manzung, nɔɔ zi tɔ diki bee tɔ ɓɔɔ Laa zɔ̃ng m ka teteng manɛ, nɛɛ n kɔɔ zang ɓɔɔ ri zang Isirela kpang Ruu Tɔ̃ɔ ɓiɓɛ, tɔ̀ɔ, ri tãayi, ri ti shing danggn ɓɛɛ.

Zang Shonang Yeesɔ 6:1

Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Koranti 10:10

Zang ɓɔɔ ka teteng ɓarɛ, ri gɔ̃ɔrɔ yee, a zang nyaa shonang Laa ɓɔɔ ka lapa ɓɔɔ wukɔ nyɔkɔ zang vɔrɔ, arɛ naa nyɔ̀kɔ̀ ri vɔrɔ. Ruu gɔ̃ɔrɔ yee naa ɓɔɔ ri palɛ ɓɛɛ kpang.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Galati 5:26

Ruu lakɛ jĩng kpang, ruu zarɛ zɔɔ kpang, ruu ti kaa sũnyaa nɛɛ zɔɔ kpang.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

1 Tesalonika 5:13

Nɔɔ seng ri katɔ dɔɔli, nɔɔ kasɛ ruu ɓarɛ katɔ, ka ruu shonang ɓɔɔ ri palɛ ɓɛɛ. Nɔɔ nwang ka nyaa zɔɔ waasɛ̃.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yakubu 1:20

Ka ruu ɓɔɔ, gnvɔ nɛɛ kagn ka yeti zang, zang zunung shonang ɓɔɔ tɔ̃ɔ ɓɔɔ Laa kasɛ ɓɛɛ palɛnang kpang ɓɛɛ.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

Yakubu 5:9

Manzung nɔ́ɔ gɔ̃ɔrɔ yee ka yuu zɔɔ kpang, ka ruu ɓɔɔ zang nɛɛ jɛ̃ɛ nɔɔ ruu ɓɛɛ. Zang ɓɔɔ naa jɛ̃ɛ ruu rúu, kɔ shii tɔ ka nyaa gãa ɓee.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.

1 Bituru 4:9

Nɔɔ ta zang ɓɔɔ ri a ka gãa manɛ katɔ, nɔ́ɔ gɔ̃ɔrɔ yee kagn kpang.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.