Filipi 2:13 - Nyaa Shɔɔ Ɓɔɔ Laa a Ɓɛɛ

¹³ Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 2:13 ပူးပေါင်းရင်းမြစ်များ

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Yɔhana 3:27

A Yɔhana kasɛ ri nyaa tɔɔ, “Laa nɛɛ a zang vuu kpang, zang walɛ vuu ɓɔɔ kpang.

Yɔhana 6:45

Rɛɛ zang nyaa shonang Laa ri beeyi nɛɛ, ‘Ri nandon Laa kɔ naa tusu ri vuu.’ Zang ɓɔɔ nɛɛ ɓaa shoo ka vuu ɓɔɔ Daa mɛɛ tusu, nɛɛ ti mantɛ vuu ka bii ɓiɓɛ, a katɔ ka bii mɛɛ.

Yɔhana 6:65

A gisi ruu keɓe tɔkn tɔɔ, “Wee vuu ɓɔɔ palɛ, n kɔɔ nɔɔ tɔɔ, naa Daa dɔ̃ zang, zang a ka bii mɛɛ kpang, zang ɓɔɔ zunung anang nɛɛ yuu ɓiɓɛ kpang kɔ.”

Zang Shonang Yeesɔ 11:21

Laa yi ri naa kagn, ka ruu nɔngkɔ, zang dɔɔli ri shing danggn, a ri nwang kaa zang Laa.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

Rooma 9:11

Ka ɓɔɔ bɛ̀ɛ́ zang yi ri gn kpang, ri ti pálɛ́ vuu tɔ̃ɔ gn nɛɛ vuu shi kpang, kpang. Laa kasɛ nɛɛ zɔ̃nnang ɓɔɔ wu zɔ̃ng jaa gbete ka teteng ɓarɛ wu nwang vuu ɓɔɔ wu kasɛ ɓɛɛ. Laa kɔɔ nàá ɓarɛ tɔɔ, “Zang ɓɔɔ bang kɔ naa pàlɛ́ zang ɓɔɔ wujaa shonang.” Ka ruu nɔngkɔ, Laa zɔ̃ng zang ɓi ka ruu nyaa ɓɔɔ wu ɓaa zang ɓɛɛ, wu ka ruu, vuu ɓɔɔ zang palɛ ɓɛɛ kpang.

Rooma 9:16

Ka ruu nɔngkɔ, wu vuu ɓɔɔ shɔnzang kasɛ, nɛɛ vuu ɓɔɔ wu palɛ kɔ shingnɛ, Laa wu zɔ̃́ng wu kpang, ɓi gn zang ɓɔɔ kɔng wu ɓɛɛ, kɔ shingnɛ.

1 Koranti 12:6

Naa ɓɔɔ zang ri palɛ shonang kagn ka zɔ̃ng zɔ̃ng, a Laa ɓɔɔ a zang naa vuu palɛnang nɛɛ ri palɛ vuu keɓe nandon, ɓi kaa gbete.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

Afisa 1:11

Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

2 Tesalonika 1:11

Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.