Filipi 1:29 - Nyaa Shɔɔ Ɓɔɔ Laa a Ɓɛɛ

²⁹ Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Filipi 1:29 ပူးပေါင်းရင်းမြစ်များ

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 5:3

A ruu ti, tãa tĩnang ka jĩng dannang ɓuru ka ruu ɓɔɔ ruu zi tɔ jĩng dannang shing ruu, ruu mã danggn ɓɛɛ.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

Yakubu 1:2

Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.