Filipi 1:27 - Nyaa Shɔɔ Ɓɔɔ Laa a Ɓɛɛ

²⁷ Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 1:27 ပူးပေါင်းရင်းမြစ်များ

Matiyu 12:25

Yeesɔ zi vuu ɓɔɔ ri rɛ̃rɛ ɓi tɔ, a kɔɔ ri tɔɔ, “Naa zang ɓɔɔ kpanti ɓarɛ gbete ri nɛɛ basɛ zɔɔ, ri shàarɛ̀ ɓarɛ tɔ. Zang gari nɛɛ basɛ zɔɔ tɔ, gari ɓarɛ shàarɛ̀ ɓi tɔ. Zang ɓɔɔ ka yeti gãa gbete nɛɛ basɛ zɔɔ tɔ, ri naa nwang ɓi takpang kɔ doori.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 24:24

Diki bee tɔ tɔkɔlɔng Filiku a nɛɛ ɓeeso Durusila ɓɔɔ ɓi zang Yahudi ɓɛɛ. A shong nyaa nɛɛ zang atɛ Bulu, a ri ɓaa shoo ri tãa naa ɓɔɔ Bulu kɔɔ ri ruu, ka ruu danggn shinnang ka bii Kirisi Yeesɔ.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 10:8

Vuu ɓɔɔ zang kɔɔ keɓe, “Ruu ɓɔɔ Laa kɔ̀ɔ ɓɛɛ, ɓi nɛɛ mɔɔ naabm, ka yeti nyaa ɓaaɓɛ, ti kagn ka yeti ɓaaɓɛ.” Ɓi ruu ɓɔɔ ruu kɔɔ nɔɔ, nɛɛ tɔ̀ɔ, nɔɔ shing danggn ɓɛɛ kɔ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

Galati 1:7

Niizang, ruu tɔ̃ɔ ɓɔɔgn ɓi kagn kpang. N kɔɔ nɔngkɔ, ka ruu ɓɔɔ, zang ɓɔɔ kagn ri kpantɛ nɔɔ jĩng, ri kãa gbalang ɓɔɔ ri kɔ̃sɔ Ruu Tɔ̃ɔ Kirisi katɔ ɓɛɛ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 1:15

Ka ruu keɓe kɔ, ɓu doo ɓɔɔ n tãa nyaa danggn ɓɔɔ nɔɔ shing ka bii Kpanti Yeesɔ, nɛɛ naa ɓɔɔ nɔɔ kasɛ zang Laa nandon ɓɛɛ,

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Filipi 1:5

Ka ruu ɓɔɔ, nɔɔ yì m naa ka bii ka ɓɔɔ n kɔɔrɔ zang Ruu Tɔ̃ɔ Laa ɓɛɛ. Nɔɔ yì m naa kagn ka ɓɔɔ n gáayú ɓɛɛ, à nɛɛ mani kãntang keɓe.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Filipi 2:24

N shing gn ka bii Laa nɛɛ n nɛɛ yuu mɛɛ n naa tantɛ anang ditɔ ka bii manɛ.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Filipi 4:1

Rɛɛ manzung ɓɔɔ n kasɛ nɔɔ katɔ gbãng gbãng, n shing jĩng n kasɛ nɔɔ zinang. Nɔkɔ shing m n tãa tĩnang, n ti dɔɔ bii nɛɛ nɔkɔ. Rɛɛ masang ɓɔɔ n kasɛ nɔɔ dɔɔli ɓɛɛ, nɔɔ shii nɔngkɔ gbãng gbãng ka bii Laa.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:4

Ka ruu ɓɔɔ, ruu tã̀a nyaa danggn ɓɔɔ nɔɔ shing ka bii Yeesɔ Kirisi tɔ, a ɓɔɔ naa ɓɔɔ nɔɔ kasɛ ruu zang Laa nandon ɓɛɛ.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 1:19

Mɔɔ ti yiti danggn ɓɔɔ mɔɔ shing ɓɛɛ, rɛ̃rɛnang ɓaaɓɛ, wu ti nwang tɔ̃ɔ. Zang ɓɔɔ ri yáa danggn ɓɔɔ ri shing ka bii Yeesɔ ɓɛɛ tɔ, ka ruu ɓɔɔ, ri ɓaa shoo ka vuu ɓɔɔ rɛ̃rɛnang ɓarɛ kɔɔ ri kpang ɓɛɛ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

Titu 2:10

Ri ɓɔ̀ɔ vuu dabang gãa ɓarɛ kpang. Ri tusu diki diki nɛɛ ri zang tɔ̃ɔ ɓɔɔ zang shing gn katɔ ka bii ɓarɛ ɓɛɛ. Tɔ̀ɔ, vuu piti ɓɔɔ ri palɛ, wu shingnɛ, zang ri rang yee tɔ̃ɔ kaa yuu vuu kɔ ruu tusu ka yuu Laa, ɓɔɔ wukɔ ta yuu ɓuru ɓɛɛ.

Filimon 1:5

Ka ruu ɓɔɔ, n tãa nyaa danggn ɓɔɔ mɔɔ shing ka bii Kpanti ɓuru Yeesɔ Kirisi, a ɓɔɔ ti naa ɓɔɔ mɔɔ kàsɛ̀ rɛɛ zang Laa ɓɛɛ.

Yakubu 3:18

Zang ɓɔɔ ri kasɛ nɛɛ zang ri nwang ka nyaa zɔɔ, ri pálɛ́ vuu ɓɔɔ tɔ̃ɔ ɓɛɛ, tɔɔ ri shing zang, zang ri nwang kaa nyaa zɔɔ.

2 Bituru 3:11

Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.