Filipi 1:26 - Nyaa Shɔɔ Ɓɔɔ Laa a Ɓɛɛ

²⁶ Tɔ̀ɔ, n nɛɛ a tɔ ka nɔng manɛ tɔkn, nɔɔ naa tãa tĩnang kaa dɔɔli, nɔɔ dɔɔ Yeesɔ Kirisi ka ruu vuu ɓɔɔ wu pàlɛ̀ m ɓɛɛ.

Filipi 1:26 ပူးပေါင်းရင်းမြစ်များ

Yɔhana 16:22

Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang.

Yɔhana 16:24

Nɔɔ gàa vuu gngn nɛɛ nung mɛɛ kpang, nɔɔ gàa ta, tɔɔ Laa wu a nɔɔ, tɔ̀ɔ, tĩnang manɛ wu nwang kaa nyaa kiiri.”

2 Koranti 1:14

Vuu ɓɔɔ nɔɔ zi kãntang keɓe gn nandon kpang. Tɔ̀ɔ, ka diki ɓɔɔ Kpanti ɓuru Yeesɔ a kagn, nɔ́ɔ naa tuu yuu ka ruu ɓuru naa ɓɔɔ ruu naa tuu ka ruu manɛ ɓɛɛ.

2 Koranti 5:12

Ruu tɔɔ kpang nɛɛ, ruu bée nɔɔ labeenang ɓɔɔ kɔɔ nɔɔ ruu ka yuu ɓuru tɔkn kpang. Ruu tɔɔ ruu a nɔɔ manɛ vuu tɔ̃ɔ ɓɔɔ shingnɛ nɔɔ tuu yuu manɛ ka ruu ɓuru ɓɛɛ. Tɔ̀ɔ, nɔ́ɔ walɛ vuu ɓɔɔ nɔɔ kɔɔ zang ɓɔɔ ri kɔɔrɔ ruu bang bang ka yuu vuu ɓɔɔ ri zi ka bii zang, wu ka yuu vuu ɓɔɔ ka yeti ɓarɛ ɓɛɛ kpang kati.

2 Koranti 7:14

N kɔ̀ɔrɔ̀ wu, ruu bang bang katɔ ka yuu manɛ, a nɔɔ ti shingnɛ yusɛ̃ɛ tuu m kpang. Ruu kɔɔrɔ nɔɔ ruu niizang diki diki, ka ruu nɔngkɔ, ruu bang bang ɓɔɔ ruu kɔɔrɔ Titu ka yuu manɛ, nɔɔ shing tɔ nwang tɔ niizang.

2 Koranti 7:4

N yaa gn naa ka yuu manɛ kpang. N tuu yuu mɛɛ ka ruu manɛ dɔɔli. Ka jĩng ɓɔɔ ruu dang ɓɛɛ nandon, n yaa gn naa gn kpang. Yeti mɛɛ ɓi tĩnang kɔ shɛ̃ɛning.

2 Koranti 7:6

A Laa ɓɔɔ wukɔ mã zang ɓɔɔ ri yaa gn naa tɔ danggn ɓɛɛ, mã ruu danggn nɛɛ anang Titu.

Galati 6:4

Zang ɓu wu gãsɛ vuu ɓɔɔ wu palɛ ɓɛɛ katɔ nɛɛ yuu ɓiɓɛ. Nɛɛ tɔ̃ɔ, wu tãa tĩnang ka ruu vuu ɓɔɔ wu palɛ ɓɛɛ. Wu gãsɛ nɛɛ vuu ɓɔɔ, zang ɓɔɔgn palɛ ɓɛɛ kpang.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 4:10

N tãa tĩnang dɔɔli ka ruu ɓɔɔ n zang Kpanti Yeesɔ ɓɛɛ, ka ruu ɓɔɔ, diki ɓa tɔ dɔɔli, nɔɔ yi m naa kana bii tɔkn. N zi tɔ nɔɔ rɛ̃rɛ ruu mɛɛ katɔ, a nɔɔ walɛ gbalang ɓɔɔ nɔɔ yi m naa kaa tɔ̀ɔ́ bii ɓɛɛ kpang.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.