Filipi 1:21 - Nyaa Shɔɔ Ɓɔɔ Laa a Ɓɛɛ

²¹ Ka ruu ɓɔɔ, ka bii mɛɛ, naa n nwang ningkãari, n nwang ka ruu Yeesɔ Kirisi kɔ gbete. Naa n vɔ doo katɔ piti, wukɔ ti tɔ̃ɔ.

Filipi 1:21 ပူးပေါင်းရင်းမြစ်များ

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 3:22

Naa doo wiya? Naa doo Bulu, naa Apolo naa Bituru, ri ɓarɛ zang shonang manɛ. Koo nandon, nɛɛ suru bii, nɛɛ vɔrɔ ɓi ɓɔɔ manɛ kɔ nandon. Naa doo vuu ɓɔɔ nɔɔ zili kãntang keɓe, nɛɛ vuu ɓɔɔ a doo ka knti, ri ɓarɛ ɓɔɔ manɛ kɔ nandon.

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

2 Koranti 5:6

Ka ruu nɔngkɔ, diki diki ruu yaa gn naa kpang. Ruu zi tɔ nɛɛ wee ruu nwang doo ka bìí shɔnzang ɓuru ɓee, ruu nwang gn nɛɛ Kpanti Yeesɔ nɔng gbete kpang.

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 6:14

Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Filipi 1:22

Naa n nwang ningkãari ka koo keɓe, ń ti palɛ shonang ɓɔɔ yi zang naa ka bii ɓɛɛ katɔ. Ka ruu nɔngkɔ, n zi ɓɔɔ n zɔ̃ng gbete ɓɛɛ kpang.

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

Filipi 2:21

Zang nimbang ri nandon, zang ɓu rɛ̃̀rɛ́ ɓi ka yuu vuu ɓɔɔ a wu tĩnang ɓɛɛ, ri rɛ̃̀rɛ̀ ɓarɛ ka yuu Yeesɔ Kirisi kpang.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

Vuu ɓɔɔ zang nwangsɛ Yɔhana 14:13

A n ti tãa yee ɓɔɔ tɔkn nɛɛ lapa kɔɔyi nɛɛ, “Béeré ruu keɓe, tĩnang tãanang ɓi ɓɔɔ zang ɓɔɔ ri naa vɔlɔ, ka ruu ɓɔɔ ri shing danggn tɔ ka bii Laa ɓɛɛ.” A Suru Laa kasɛ nyaa tɔɔ, “N, niizang, ri tãa tĩnang tɔ. Ri ɔ̃sɔ kaa tɔ nɛɛ shonang bang ɓɔɔ ri palɛ ɓɛɛ, ka ruu ɓɔɔ, tɔ̃ɔ ɓɔɔ shonang ɓarɛ nwàng ri, dũng ri ka knti ɓɛɛ.”