Filipi 1:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu ɓɔɔ, n zi tɔ, Laa ɓɔɔ nɔɔ gaa m, nɛɛ naa ɓɔɔ Suru Yeesɔ Kirisi yi m ka bii ɓɛɛ, naa shingnɛ zang naa yaa m naa ditɔ.

Filipi 1:19 ပူးပေါင်းရင်းမြစ်များ

Zang Shonang Yeesɔ 16:7

Ri a tɔ, ka nyaa tipi Misiya, ri tɔɔ ri daa ka tipi Bitiniya, a Suru Laa zãa ri daanang.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 8:9

Nɔɔ nwàng manɛ tɔ̀ɔ́ naa ɓɔɔ bii manɛ kɔɔ nɔɔ ɓɛɛ kpang, naa Suru Laa nɛɛ nwang kagn niizang ka yeti manɛ ɓɛɛ. Zang ɓɔɔ Suru Kirisi nɛɛ kagn ka yeti ɓiɓɛ kpang, ɓi zang Kirisi kpang.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

2 Koranti 1:11

Nɔɔ nɛɛ yi ruu naa katɔ ka bii, nɔ́ɔ gàa Ruu Laa ɓɛɛ. Tɔ̀ɔ, Laa wu ta gaanang ɓɔɔ zang dɔɔli ri gaa wu ka yuu ɓuru kati. Wu shingnɛ, ruu tãa tĩnang kati. Tɔ̀ɔ, zang dɔɔli ri mɛɛ nyaa kaa lapa, ri zãa wu kati ka ruu ɓuru.

Galati 3:5

Laa a nɔɔ Suru ɓiɓɛ, a ti palɛ vuu ɓɔɔ zang zirɛ zang mã naa ka danggn ka teteng manɛ. Palɛ ka ruu ɓɔɔ nɔɔ pálɛ̀ vuu ɓɔɔ nyaa dannang kasɛ ɓɛɛ ya, kɔ palɛ ka ruu ɓɔɔ, nɔɔ tãa Ruu Tɔ̃ɔ, a nɔɔ shing danggn ɓɛɛ?

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

Filipi 1:18

Pálɛ̀ vuu ɓɔɔ kpang, naa ri nwãarɛ zang doo katɔ, naa ri nwãarɛ zang ka takpang, n tãa m tĩnang, ka ruu ɓɔɔ, Ruu Kirisi kɔ ɓa vuu piti, a zang ti kɔɔrɔ zang ruu bìí kana ɓɛɛ. N tãa m kaa tĩnang kɔ sasak.

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.