Filipi 1:15 - Nyaa Shɔɔ Ɓɔɔ Laa a Ɓɛɛ

¹⁵ Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Filipi 1:15 ပူးပေါင်းရင်းမြစ်များ

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 11:20

A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.

Zang Shonang Yeesɔ 5:42

Diki, diki ri tusu zang vuu, a ri ti kɔɔrɔ zang Ruu Tɔ̃ɔ Laa ka yeti Gãa Laa nɛɛ yeti gãa zang, nɛɛ Yeesɔ wukɔ Kirisi.

Zang Shonang Yeesɔ 8:35

A Filibu puu nyaa, gaayu nɛɛ ruu zang nyaa shonang Laa keɓe ɓɔɔ yɔɔ gã ɓɛɛ, a kɔɔ yɔɔ Ruu Tɔ̃ɔ Kpanti Laa kati ka yuu Yeesɔ.

Zang Shonang Yeesɔ 8:5

Filibu daa ka gari ɓɔɔ ka tipi Samariya, daa kɔɔ zang ruu Kirisi ka nɔngkɔ.

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 13:3

Naa n tuu doo vuu naa mɛɛ nandon, n bàsɛ̀ zang ɓɔɔ vuu naa ɓarɛ kagn kpang ɓɛɛ. A n ti kasɛ tɔ nɛɛ zang tuu m zang dɔɔ m ka waa. Naa n kasɛ zang kpang, vuu keɓe ri nwang m vuu ɓɔɔ kpang.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.