Filipi 1:14 - Nyaa Shɔɔ Ɓɔɔ Laa a Ɓɛɛ

¹⁴ Mãnang kɔ zang mã m ka sãa ɓee, mã̀ rɛɛ manzung mɛɛ ɓɔɔ ri dũng doo Laa kɔ danggn tɔ ka gbalang kpanti Yeesɔ. Ri kɔɔrɔ zang Ruu Laa kana gbãng gbãng ri kaa vɔrɔ takpang.

Filipi 1:14 ပူးပေါင်းရင်းမြစ်များ

Maraku 3:3

A Yeesɔ ɓaa yɔɔ ɓɔɔ naa ɓakɛ katɔ kaɓa nyaa tɔɔ, “Arɛ mɔɔ naa shii ka tĩng zang piti ka nihn.”

Luka 1:74

nɛɛ wu naa ta ruu ditɔ, nɛɛ naa zang ɓɔɔ ri shing jĩng nɛɛ ruu kpang ɓɛɛ. Tɔ̀ɔ, ruu walɛ gbalang ɓɔɔ ruu pàlɛ́ wu shonang, ruu kaa vɔrɔ kpang ɓɛɛ kati.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.

2 Koranti 7:4

N yaa gn naa ka yuu manɛ kpang. N tuu yuu mɛɛ ka ruu manɛ dɔɔli. Ka jĩng ɓɔɔ ruu dang ɓɛɛ nandon, n yaa gn naa gn kpang. Yeti mɛɛ ɓi tĩnang kɔ shɛ̃ɛning.

Afisa 3:13

Ka ruu nɔngkɔ, n gaa nɔɔ, nɔ́ɔ yaa gn naa ka ruu jĩng ɓɔɔ n dang ka ruu manɛ ɓee kpang. Jĩng dannang mɛɛ keɓe kɔ, a nɔɔ bannang.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 4:1

Rɛɛ manzung ɓɔɔ n kasɛ nɔɔ katɔ gbãng gbãng, n shing jĩng n kasɛ nɔɔ zinang. Nɔkɔ shing m n tãa tĩnang, n ti dɔɔ bii nɛɛ nɔkɔ. Rɛɛ masang ɓɔɔ n kasɛ nɔɔ dɔɔli ɓɛɛ, nɔɔ shii nɔngkɔ gbãng gbãng ka bii Laa.

Kolosi 4:4

Nɔ́ɔ gàa Laa wu shing m n kɔɔ vuu keɓe waasɛ̃ naa ɓɔɔ n nɛ̀ɛ́ kɔ̀ɔ ɓɛɛ.

Kolosi 4:7

Manzung ɓuru Tikiku ɓɔɔ ruu kasɛ wu dɔɔli, ɓɔɔ palɛ shonang nɛɛ yeti gbete, a ti doo zang shonang Kpanti Yeesɔ kɔ nɛɛ ruu ɓɛɛ, naa kɔɔ nɔɔ ruu ditɔ ka yuu mɛɛ nandon.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.