Filimon 1:23 - Nyaa Shɔɔ Ɓɔɔ Laa a Ɓɛɛ

²³ Epafara, masang ɓɔɔ zang mã m nɛɛ wu ka ruu Yeesɔ Kirisi ɓɛɛ, jee mɔɔ nyaa.

Filimon 1:23 ပူးပေါင်းရင်းမြစ်များ

Rooma 16:7

Nɔ́ɔ jee Adaranika nɛɛ Yuniya, ɓɔɔ ri doo zang Yahudi naa nkɔ, ɓɔɔ zang mã ri nɛɛ n ka sãa ɓɛɛ nyaa. Zang zi ri nung tɔ gbãng gbãng ka teteng rɛɛ zang shonang Kirisi. Rikɔ gaayu Laa dũnnang shɔɔnang, a n naa dũngnɛ.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

Kolosi 4:10

Arisitaku ɓɔɔ zang mã jong ka sãa nɛɛ n ɓɛɛ, jee nɔɔ nyaa. Maraku ɓɔɔ dabang ɓarɛ gbete nɛɛ Baranaba ɓɛɛ, jee nɔɔ nyaa jong. (N kɔɔ nɔɔ ruu tɔ ka yuu ɓiɓɛ nɛɛ, nɛɛ a tɔ, nɔɔ ta wu waasɛ̃.)

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Filimon 1:1

Labeenang keɓe nɛɛ bii mɛɛ, nkɔ Bulu, ɓɔɔ zang mã m ka sãa, ka ruu ɓɔɔ, n pàlɛ́ Yeesɔ Kirisi shonang ɓɛɛ, a ɓɔɔ Timoti ɓɔɔ nwang kaa naa jaa nàá ɓuru ka ruu danggn ɓɔɔ ruu shing nɛɛ wu gbete ɓɛɛ. Ruu bee Filimon wusang shonang ɓuru, ɓɔɔ ruu kasɛ mɔɔ dɔɔli ɓɛɛ.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.