Filimon 1:22 - Nyaa Shɔɔ Ɓɔɔ Laa a Ɓɛɛ

²² Shĩli m yeti gãa katɔ gbete, ka ruu ɓɔɔ, n shing gn mɔ̀ɔ kɔɔ nɛɛ Laa kàsɛ́ nɔɔ nyaa ɓɔɔ nɔɔ gaa wu katɔ. Wu a nɔɔ n tɔkn.

Filimon 1:22 ပူးပေါင်းရင်းမြစ်များ

Zang Shonang Yeesɔ 27:24

A kɔɔ m tɔɔ, ‘Bulu, mɔɔ kaa vɔrɔ kpang, mɔɔ daa shii ditɔ ka tĩng Kayisa. Laa ɓɔɔ palɛ ɓi tɔ̃ɔ ɓɛɛ, ti ta yuu rɛɛ zang ɓɔɔ mɔɔ daa nɛɛ ri ka yeti laana nandon ri vɔ kpang.’

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Rooma 15:24

N shing gn anang tɔ kati kãntang. N nɛɛ yupaa tipi Asabaniya daanang tɔ, n naa leng nɔɔ ka gbalang. N nɛɛ nwang tɔ nɛɛ nɔɔ diki nɛɛ bee tɔ tɔkɔlɔng, nɔ́ɔ yi m naa kagn, n daa Asabaniya.

2 Koranti 1:11

Nɔɔ nɛɛ yi ruu naa katɔ ka bii, nɔ́ɔ gàa Ruu Laa ɓɛɛ. Tɔ̀ɔ, Laa wu ta gaanang ɓɔɔ zang dɔɔli ri gaa wu ka yuu ɓuru kati. Wu shingnɛ, ruu tãa tĩnang kati. Tɔ̀ɔ, zang dɔɔli ri mɛɛ nyaa kaa lapa, ri zãa wu kati ka ruu ɓuru.

Filipi 1:19

Ka ruu ɓɔɔ, n zi tɔ, Laa ɓɔɔ nɔɔ gaa m, nɛɛ naa ɓɔɔ Suru Yeesɔ Kirisi yi m ka bii ɓɛɛ, naa shingnɛ zang naa yaa m naa ditɔ.

Filipi 2:24

N shing gn ka bii Laa nɛɛ n nɛɛ yuu mɛɛ n naa tantɛ anang ditɔ ka bii manɛ.

Yahudi 13:19

N gàa nɔɔ katɔ gbãng gbãng, nɔɔ gaa Laa, tɔ̀ɔ, wu shingnɛ, n gbãayu kaa bii manɛ pati.

Yahudi 13:23

N kasɛ nɔɔ tãayi nɛɛ, zang yaa manzung ɓuru Timoti naa tɔ nɛɛ sãa. Nɛɛ à pati, ruu naa zi nɔɔ nɛɛ wu.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

2 Yɔhana 1:12

Vuu ɓɔɔ n kasɛ nɛɛ n kɔ̀ɔ́ nɔɔ ka gn dɔɔli, a n bèe nɔɔ kaa takpang, ka ruu ɓɔɔ, n kasɛ n tɔɔ n naa leng nɔɔ, n kɔɔ nɔɔ kaa nɛɛ nyaa mɛɛ, jĩng ɓuru wu zi zɔɔ, tɔ̀ɔ tĩnang tàanang ɓuru wu nwang kaa nyaa kiriri.

3 Yɔhana 1:14

ka ruu ɓɔɔ n kasɛ anang katɔ bii manɛ pati ɓɛɛ. Tɔ̀ɔ, ruu naa kɔ̀ɔ zɔɔ kaa nɛɛ nyaa.