Afisa 6:21 - Nyaa Shɔɔ Ɓɔɔ Laa a Ɓɛɛ

²¹ Tikiku manzung ɓuru ɓɔɔ ruu kasɛ wu dɔɔli, ɓɔɔ ti palɛ Laa shonang nɛɛ yeti gbete ɓɛɛ, naa kɔɔ nɔɔ ruu ditɔ nandon ka yuu mɛɛ. Tɔ̀ɔ, nɔ́ɔ tãa naa ɓɔɔ n nwang ɓɛɛ.

Afisa 6:21 ပူးပေါင်းရင်းမြစ်များ

Zang Shonang Yeesɔ 20:4

Soopata jaa Firifu, yɔɔ gari Beriya daa nɛɛ wu, a ɓɔɔ zang gari Tesalonika rɛɛ Arisitaku nɛɛ Sakundu, nɛɛ Gaayu yɔɔ gari Daabe, nɛɛ Timoti a ɓɔɔ kaa rɛɛ Tikiku nɛɛ Torofimu zang tipi Asiya.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

Filipi 1:12

Manzung ɓɔɔ ri dũng doo Laa kɔ ɓɛɛ, n kasɛ, nɔɔ zirɛ nɛɛ vuu kɔ palɛ m ɓee, shingnɛ Ruu Laa daa ɓi nɛɛ tĩng kɔ jong.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 4:12

N shong Tikiku ɓi ka Afisa

Titu 3:12

N nɛ́ɛ shong Aratima kpang, n shong Tikiku ditɔ ka bii ɓaaɓɛ. Nɛɛ a tɔ, mɔɔ palɛ pati mɔɔ a ka bii mɛɛ ka gari Nikopoli. Ka ruu ɓɔɔ, n tɔɔ, laa pũngku keɓe n nwang lɛ̀ɛ́ ka nɔngkɔ ɓɛɛ.

Filimon 1:16

Kãntang keɓe ɓi tɔ̀ɔ́ jaafoo waati kpang, ɓa jaafoo ɓi kaa tɔ. Ɓi kaa manzung ɓuru ka gbalang Yeesɔ Kirisi. Ɓi zang tɔ̃ɔ ka bii mɛɛ. Nwǎng mɔɔ tɔ̃ɔ ditɔ jong gbãng gbãng, wu naa jaafoo kɔ shɛ̃ɛning kpang, naa ɓaazung ka gbalang Kpanti ɓuru.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

2 Bituru 3:15

Nɔɔ zirɛ, Kpanti ɓuru Yeesɔ Kirisi suukãng, ka ruu ɓɔɔ, nɔ́ɔ walɛ gbalang Laa wu ta yuu manɛ kati ɓɛɛ. Manzung ɓuru Bulu ɓɔɔ ruu kasɛ ruu ɓiɓɛ katɔ ɓɛɛ, bee nɔɔ labeenang dòo nɔngkɔ, nɛɛ zũnang ɓɔɔ Laa a wu ɓɛɛ, a kɔɔ nɔɔ doo naa weɓe kɔ.