Afisa 6:20 - Nyaa Shɔɔ Ɓɔɔ Laa a Ɓɛɛ

²⁰ Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Afisa 6:20 ပူးပေါင်းရင်းမြစ်များ

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 26:29

Bulu kasɛ wu nyaa tɔɔ, “Naa nwannang ɓuru bee katɔ kɔ tɔkɔlɔng, n gaa Laa m, n tɔɔ, mɔɔ nɛɛ zang kɔ ri ɓaa shoo, ri tãa m lɛ̀ɛ́kɔ keɓe, ri nwang naa ɓɔɔ n nwang ɓɛɛ nandon. Wu naa ɓɔɔ zang mã m nɛɛ soo saka keɓe kpang.”

Zang Shonang Yeesɔ 28:20

N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Zang Shonang Yeesɔ 5:29

Bituru nɛɛ rɛɛ zang shonang Yeesɔ ɓɔɔ nɛɛ wu ri kasɛ wu nyaa tɔɔ, “Ruu ɓáa shoo ɓuru ka nyaa Laa, ɓa ɓɔɔ ruu ɓaa shoo ka nyaa shɔnzang katɔ.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 6:19

A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

Kolosi 4:4

Nɔ́ɔ gàa Laa wu shing m n kɔɔ vuu keɓe waasɛ̃ naa ɓɔɔ n nɛ̀ɛ́ kɔ̀ɔ ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Filimon 1:10

N gaa mɔɔ ka ruu Onesimu ɓɔɔ nwang kaa naa jaa mɛɛ, ka wee zang mã m ka sãa ɓee.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

1 Yɔhana 3:16

Yeesɔ Kirisi tusu ruu, rúu zang kasɛnang ka ɓɔɔ wu mãlɛ́ bii ɓiɓɛ ka ruu ɓuru ɓɛɛ. Ka ruu nɔngkɔ, ruu mãlɛ́ bii ɓuru ta jong ka ruu manzung ɓuru.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.