Afisa 6:19 - Nyaa Shɔɔ Ɓɔɔ Laa a Ɓɛɛ

¹⁹ A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Afisa 6:19 ပူးပေါင်းရင်းမြစ်များ

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 18:26

Gaayu yee rannang ka gãa zɔɔ kpalɛnang kaa vɔrɔ kpang. Rɛɛ Pirisila nɛɛ Akpiila ri tãa vuu ɓɔɔ wu kɔɔrɔ ɓɛɛ, a ri ɓaa wu nyaa, ri daa nɛɛ wu ka gãa ɓarɛ. Ri daa tusu wu gbalang Laa kaa waasɛ̃.

Zang Shonang Yeesɔ 19:8

Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 4:29

Kpanti, kãntang keɓe, zi nyaa ɓɔɔ ri dang ta, mɔ́ɔ mã ruu danggn jong, ruu rang Ruu ɓaaɓɛ, ruu kaa vɔrɔ kpang.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 9:27

A Baranaba atɛ wu ka bii rɛɛ zang shonang Yeesɔ. Naa kɔɔ ri naa ɓɔɔ Shaawulu zi Kpanti Yeesɔ ka gbalang, a Kpanti rang wu yee ɓɛɛ. A ti kɔɔ ri náa ɓɔɔ rang zang ruu ka yuu nung Yeesɔ ka Damasiku, kaa vɔrɔ kpang ɓɛɛ.

Zang Shonang Yeesɔ 9:29

Ti rang yee, a ri làa zɔɔ nyaa nɛɛ rɛɛ zang Yahudi ɓɔɔ ri ráng ɓarɛ nyaa Heleni ɓɛɛ. A zang Yahudi keɓe, ri kãa gbalang ɓɔɔ naa ri nyɔ wu vɔrɔ ɓɛɛ.

Rooma 15:30

Manzung ɓɔɔ ri dũng dòo Laa kɔ ɓɛɛ, n gaa nɔɔ nɛɛ nung Kpanti Yeesɔ Kirisi, a ɓɔɔ nɛɛ kasɛnang ɓɔɔ Suru Laa a ruu ɓɛɛ, nɔɔ ɓakɛ yuu nɛɛ n. Nɔɔ gaa m Laa jong gbãng gbãng

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

1 Koranti 1:5

Pàlɛ̀ nɔɔ tɔ̃ɔ tɔ waasɛ̃, ɓɔɔ nɔɔ shing danggn ka bii Yeesɔ Kirisi ka gbalang náabm̀ náabm̀. Shing nɔɔ, a nɔɔ zi vuu ɓɔɔ niizang, a nɔɔ ti zunung yee ɓiɓɛ rannang ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

1 Koranti 4:1

N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

2 Koranti 1:11

Nɔɔ nɛɛ yi ruu naa katɔ ka bii, nɔ́ɔ gàa Ruu Laa ɓɛɛ. Tɔ̀ɔ, Laa wu ta gaanang ɓɔɔ zang dɔɔli ri gaa wu ka yuu ɓuru kati. Wu shingnɛ, ruu tãa tĩnang kati. Tɔ̀ɔ, zang dɔɔli ri mɛɛ nyaa kaa lapa, ri zãa wu kati ka ruu ɓuru.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.

2 Koranti 6:11

Zang Koranti, ruu rang nɔɔ yee ɓɔɔ niizang, ruu waasɛ nɔɔ vuu ɓɔɔ ka yeti ɓuru kpang.

2 Koranti 7:4

N yaa gn naa ka yuu manɛ kpang. N tuu yuu mɛɛ ka ruu manɛ dɔɔli. Ka jĩng ɓɔɔ ruu dang ɓɛɛ nandon, n yaa gn naa gn kpang. Yeti mɛɛ ɓi tĩnang kɔ shɛ̃ɛning.

2 Koranti 8:7

Ka vuu piti, nɔɔ ɓa zang ɓɔɔ ri dũng Laa ɓɔɔ nimbang tɔ. Nɔkɔ ka ting, ka danggn ɓɔɔ nɔɔ shing ka bii Yeesɔ Kirisi, ka naa ɓɔɔ nɔɔ kɔɔrɔ zang Ruu Tɔ̃ɔ Laa ɓɛɛ. Ka naa ɓɔɔ nɔɔ zi ruu ɓɔɔ niizang, ka ɓɔɔ nɔɔ kasɛ shonang palɛnang katɔ ɓɛɛ, a ɓɔɔ ti ka naa ɓɔɔ nɔɔ kasɛ ruu. Ka ruu nɔngkɔ, n kasɛ nɔkɔ nɔ́ɔ sɔɔ tĩng ka shonang keɓe, ɓɔɔ tusu nɛɛ nɔɔ kàsɛ̀ zang katɔ ɓɛɛ.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Afisa 3:9

Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

1 Tesalonika 5:25

Rɛɛ manzung, nɔɔ gàarɛ́ rùu Laa jong.

2 Tesalonika 3:1

Rɛɛ manzung ɓuru, n hangsɛ ruu kaa nɛɛ ruu keɓe. Nɔɔ gàá Ruu Laa, tɔ̀ɔ, Ruu Tɔ̃ɔ Kpanti Yeesɔ wu bàa nɔng piti piti, wu daa nɛɛ tĩng kɔ sasak. Zang ri a ruu bii bannang, naa ɓɔɔ nɔɔ a ruu bii bannang ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Filimon 1:22

Shĩli m yeti gãa katɔ gbete, ka ruu ɓɔɔ, n shing gn mɔ̀ɔ kɔɔ nɛɛ Laa kàsɛ́ nɔɔ nyaa ɓɔɔ nɔɔ gaa wu katɔ. Wu a nɔɔ n tɔkn.

Yahudi 13:18

Nɔɔ gàa Ruu Laa diki diki, ka ruu ɓɔɔ, rùu zi tɔ, rɛ̃rɛnang ɓuru ɓi tɔ̃ɔ ɓɛɛ, a ruu ti kasɛ nɛɛ ruu pálɛ́ vuu ɓɔɔ daa naa katɔ ɓɛɛ diki diki.