Afisa 6:18 - Nyaa Shɔɔ Ɓɔɔ Laa a Ɓɛɛ

¹⁸ Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Afisa 6:18 ပူးပေါင်းရင်းမြစ်များ

Matiyu 17:21

[Suru shi kpang ɓɔɔ naa weɓe, nwang ɓi jong waati kpang, zang nwangsɛ ɓi nɛɛ Laa gaanang, nɛɛ nyaalaa sennang.]

Matiyu 26:41

Nɔɔ gãng jĩng kagn, nɔɔ ti gaa Kpanti Laa, ka ruu ɓɔɔ Sheetang nɛ̀ɛ́ nwãarɛ nɔɔ ɓɛɛ. Suru bii manɛ kasɛ ɓi katɔ, a bii manɛ kɔ lakɛ ɓi kaa takpang.”

Maraku 13:33

Nɔɔ palɛ tɔ̃ɔ, nɔɔ gãng jĩng kagn. Ka ruu ɓɔɔ, nɔɔ zi diki kaɓa kpang ɓɛɛ.

Maraku 14:38

Nɔɔ gãng jĩng kagn, nɔɔ ti gaa Laa, ka ruu ɓɔɔ, Sheetang nɛɛ nwãarɛ nɔɔ ɓɛɛ. Suru bii manɛ kasɛ nɛɛ wu palɛ vuu ɓɔɔ Laa kasɛ ɓi katɔ, bii manɛ kɔ lakɛ ɓi kaa takpang.”

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Luka 22:46

Hɛ̃ɛ ri nɛɛ, ‘Nɔɔ roo ka ruu viya? Nɔɔ yupaa, nɔɔ gàa Laa, ka ruu ɓɔɔ, zang nɛɛ gãsɛ nɔɔ ɓɛɛ.’ ”

Luka 3:26

A Najaya ɓi jaa Mahata, Mahata ɓi jaa Matatiya. Matatiya ɓi jaa Shimeya. Shimeya ɓi jaa Yosek, Yosek ɓi ti jaa Joda.

Luka 3:37

Lamek ɓi jaa Mɛtusela, Mɛtusela ɓi kaa jaa Ɛnɔk. Ɛnɔk jaa Jared, Jared ɓi jaa Mahalale, a Mahalale ɓi ti jaa Kaana.

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

Afisa 1:16

n yaa ɓɔɔ n zãa Laa ka ruu manɛ kpang. Danggn manɛ ning m ka ɓɔɔ n gaa Laa diki diki kpang.

Afisa 2:22

Zang mãa nɔɔ kana jong ka bii ɓiɓɛ nɔng gbete, tɔ̀ɔ, nɔ́ɔ raa gãa ɓɔɔ Laa nwàng kagn nɛɛ bii Suru ɓiɓɛ ɓɛɛ.

Afisa 3:18

Tɔ̀ɔ, nɔ̀ɔ nɛɛ zang Laa nimbang nandon, nɔ́ɔ zi naa ɓɔɔ zang kasɛnang Yeesɔ Kirisi bangnɛ. Bangnɛ ɓa ɓɔɔ zang kɔɔ nɛɛ nyaa katɔ ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 6:19

A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

Kolosi 1:3

Rùu zãa Laa ɓɔɔ wukɔ Daa Kpanti ɓuru Yeesɔ Kirisi diki diki, ruu nɛ̀ɛ́ gaa nɔɔ Laa ɓɛɛ.

Kolosi 1:4

Ka ruu ɓɔɔ, ruu tã̀a nyaa danggn ɓɔɔ nɔɔ shing ka bii Yeesɔ Kirisi tɔ, a ɓɔɔ naa ɓɔɔ nɔɔ kasɛ ruu zang Laa nandon ɓɛɛ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

1 Tesalonika 5:17

Nɔɔ gaa Laa, nɔ́ɔ suu diki kpang.

1 Timoti 2:1

Vuu ɓɔɔ n kɔɔ mɔɔ shɔɔnang keɓe. Gaa Laa mɔɔ ti bakɛ wu ka ruu zang piti. Mɔɔ ti zãa Laa ka ruu ɓarɛ nandon.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

Filimon 1:5

Ka ruu ɓɔɔ, n tãa nyaa danggn ɓɔɔ mɔɔ shing ka bii Kpanti ɓuru Yeesɔ Kirisi, a ɓɔɔ ti naa ɓɔɔ mɔɔ kàsɛ̀ rɛɛ zang Laa ɓɛɛ.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.