Afisa 6:14 - Nyaa Shɔɔ Ɓɔɔ Laa a Ɓɛɛ

¹⁴ Nɔɔ kpalɛ bii katɔ nɔ́ɔ shiiyi. Ruu ɓɔɔ niizang wu nwang naa guruji ɓɔɔ nɔɔ mã ka sang ɓɛɛ. Nwannang tɔ̃ɔ manɛ naa ɓɔɔ Laa kasɛ ɓɛɛ, wu nwang naa vuu ɓɔɔ nɔɔ zuu danggn nɛɛ mani ɓɛɛ.

Afisa 6:14 ပူးပေါင်းရင်းမြစ်များ

Luka 12:35

“Nɔɔ kpalɛ bii tɔ̃ɔ tɔ̃ɔ, nɔɔ ti mang waa zàáng sɔɔ manɛ katɔ.

Rooma 13:12

Nwàng kaa naa ɓɔɔ nɔng gãntɛ kana, nɔng laagɛ̃ a kaa tɔ ɓɛɛ. Ruu yaa vuu shi kpang ɓɔɔ zang ri palɛ ka nɔng ɓɔɔ tɔ̀ɔ katɔ ɓɛɛ ta. Ruu palɛ vuu ɓɔɔ zang ɓɔɔ ri nwàng ka nɔng ɓɔɔ yakɛ katɔ ri palɛ ɓɛɛ.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Afisa 6:13

Ka ruu nɔngkɔ, nɔɔ sèe vuu waa sĩiri tanang Laa ta, tɔ̀ɔ diki ɓɔɔ shi kpang keɓe nɛ́ɛ a tɔ, nɔɔ shii bang kaa nɛɛ sheetang ka ɓɔɔ wu a nyaa gaanang nɛɛ nɔɔ ɓɛɛ. Nɔɔ nɛɛ gáa nyaa tɔ nɛɛ wu, nɔɔ nɛɛ shaa wu tɔ, nɔɔ shii kaa nɛɛ doo, ka nɔng manɛ gbãng gbãng.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

Vuu ɓɔɔ zang nwangsɛ Yɔhana 9:17

Wee naa ɓɔɔ n zi rɛɛ gbantang bìí, ka vuu ɓɔɔ zang tusu ɓɛɛ. Zang ɓɔɔ ri vãlɛ gbantang bìí ri hãa saka ɓɔɔ zuu ri danggn ɓɛɛ, ta bii nwɛ̃ɛri naa waa, a ɓɔɔ ta bii naa bii sãmbong, a ɓɔɔ ta bii naa mii rong. Rɛɛ gbantang, ri takɛ yuu naa ɓɔɔ zing. Waa nɛɛ zĩiri nɛɛ vuu ɓɔɔ ta bii naa mii rong, nwangkɛ nɛɛ nyaa ɓarɛ.

Vuu ɓɔɔ zang nwangsɛ Yɔhana 9:9

Ri zùu danggn ɓarɛ nɛɛ saka, a nasãng ɓarɛ kaa nyaa nabm naa kɛkɛ sĩiri tanang ɓɔɔ gbantang ri gɔ̃kɔ ri daa nɔng nyaa sĩiri ɓɛɛ.