Afisa 6:13 - Nyaa Shɔɔ Ɓɔɔ Laa a Ɓɛɛ

¹³ Ka ruu nɔngkɔ, nɔɔ sèe vuu waa sĩiri tanang Laa ta, tɔ̀ɔ diki ɓɔɔ shi kpang keɓe nɛ́ɛ a tɔ, nɔɔ shii bang kaa nɛɛ sheetang ka ɓɔɔ wu a nyaa gaanang nɛɛ nɔɔ ɓɛɛ. Nɔɔ nɛɛ gáa nyaa tɔ nɛɛ wu, nɔɔ nɛɛ shaa wu tɔ, nɔɔ shii kaa nɛɛ doo, ka nɔng manɛ gbãng gbãng.

Afisa 6:13 ပူးပေါင်းရင်းမြစ်များ

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Rooma 13:12

Nwàng kaa naa ɓɔɔ nɔng gãntɛ kana, nɔng laagɛ̃ a kaa tɔ ɓɛɛ. Ruu yaa vuu shi kpang ɓɔɔ zang ri palɛ ka nɔng ɓɔɔ tɔ̀ɔ katɔ ɓɛɛ ta. Ruu palɛ vuu ɓɔɔ zang ɓɔɔ ri nwàng ka nɔng ɓɔɔ yakɛ katɔ ri palɛ ɓɛɛ.

2 Koranti 10:4

Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

Afisa 5:16

Naa nɔɔ walɛ gbalang vuu palɛnang, nɔɔ palɛ vuu bìí waasɛ̃, ka ruu ɓɔɔ, rɛɛ diki keɓe, shi ɓi takpang ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Yakubu 4:7

Ka ruu nɔngkɔ, a Laa yuu ɓaaɓɛ. Mɔɔ táarɛ́ yuu nɛɛ suru shi kpang, yuu ditɔ wu yaa mɔɔ.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.

Vuu ɓɔɔ zang nwangsɛ Yɔhana 6:17

Ka ruu ɓɔɔ, laa ɓɔɔ gnvɔ ɓarɛ tusu bii kagn, a tɔ ɓɛɛ. Wi zunung ɓɔɔ wu shii ka tĩng ɓarɛ wiya?”