Afisa 6:10 - Nyaa Shɔɔ Ɓɔɔ Laa a Ɓɛɛ

¹⁰ N di nyaa kaa nɛɛ ruu keɓe, naa vuu palɛnang Kpanti Yeesɔ wu shing nɔɔ, nɔ́ɔ shii nɛɛ kaka ka yuu ruu gn kɔ nɔɔ shing ka bii ɓiɓɛ ɓee.

Afisa 6:10 ပူးပေါင်းရင်းမြစ်များ

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Afisa 1:19

A ɓɔɔ ti naa ɓɔɔ naa vuu palɛnang ɓiɓɛ ɓɔɔ bang dɔɔli, palɛ shonang ka bii ɓuru ɓɛɛ. Naa vuu palɛnang kɔ ka bii ɓuru ɓɔɔ ruu shing danggn tɔ ɓee, ɓi doo naa kaka ɓiɓɛ ɓɔɔ bang dɔɔli,

Afisa 3:16

N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

2 Timoti 2:1

Ka ruu nɔngkɔ, Jaa mɛɛ, tɔ̃ɔ ɓɔɔ Laa pàlɛ̀ mɔɔ ɓɛɛ, wu shingnɛ mɔɔ shii nɛɛ kaka. Tɔ̃ɔ keɓe, ɓi ɓɔɔ ɓuru ɓɔɔ ruu ɓakɛ zɔɔ ɓuru tɔ nɛɛ Yeesɔ Kirisi ɓɛɛ.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Yɔhana 2:14

Daa wujɛ, n bèé nɔɔ vuu keɓe, ka ruu ɓɔɔ, nɔɔ zi Yeesɔ ɓɔɔ nwáng ka tĩng tɔ ɓɛɛ. Yeesɔ nwáng nɛɛ Laa, bɛ̀ɛ́ Laa gaayu koo mãanang gn kpang. Jasang, n bèé nɔɔ ruu keɓe, ka ruu ɓɔɔ, nɔɔ lakɛ katɔ ɓɛɛ. Yee Laa nwàng ka yeti manɛ kɔ, a nɔɔ ti ɓa Sheetang yuu tɔ.