Afisa 5:26 - Nyaa Shɔɔ Ɓɔɔ Laa a Ɓɛɛ

²⁶ Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

Afisa 5:26 ပူးပေါင်းရင်းမြစ်များ

Yɔhana 13:10

Yeesɔ kɔɔ wu tɔɔ, “Zang ɓɔɔ nɛɛ wili bii tɔ, bii rĩiti tɔ̀ɔ́ bii ɓiɓɛ kpang, sɔɔ bii ɓiɓɛ ɓi tɔ̀ɔ́ tɔkn kpang. Sɔɔ ɓi kaa doo kɔ shɛ̃ɛning. Wee nɔɔ ɓee, bii manɛ tu tɔ nandon, yaa kaa zang gbete.”

Yɔhana 15:3

Ruu ɓɔɔ n kɔɔ nɔɔ, a nɔɔ tarɛ ɓɛɛ, shíng nɔɔ manɛ tɔ, vuu shi kpang ɓi tɔ̀ɔ́ kagn bii manɛ kpang.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Yɔhana 17:7

Ri zi tɔ kati nɛɛ vuu ɓɔɔ mɔɔ a m piti, a ɓi nɛɛ bii ɓaaɓɛ.

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Rooma 10:8

Vuu ɓɔɔ zang kɔɔ keɓe, “Ruu ɓɔɔ Laa kɔ̀ɔ ɓɛɛ, ɓi nɛɛ mɔɔ naabm, ka yeti nyaa ɓaaɓɛ, ti kagn ka yeti ɓaaɓɛ.” Ɓi ruu ɓɔɔ ruu kɔɔ nɔɔ, nɛɛ tɔ̀ɔ, nɔɔ shing danggn ɓɛɛ kɔ.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Afisa 6:17

Nɔɔ nɛɛ kasɛ tɔ, Laa nɛɛ ta yuu manɛ tɔ, nwang nɔɔ kaa naa wàálaa ɓɔɔ nɔɔ hãa ka yuu ɓɛɛ. Ruu Laa wu nwang nɔɔ ɓi kaa naa yere bang, ɓɔɔ Suru Laa a nɔɔ ɓɛɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 10:29

Ɓɔɔ nɔɔ rɛ̃rɛ ka yeti manɛ, jĩng dannang zang ɓɔɔ risi Jaa Laa naa vĩi, naa bang ɓu biya? Zang ɓɔɔ risi zĩi Yeesɔ ɓɔɔ Laa mã nyaa shɔɔ nɛɛ mani, naa vuu ɓɔɔ kpang ɓɛɛ. Zĩi ɓɔɔ zang kɔsɔ wu vuu shi kpang ɓiɓɛ nɛɛ mani ɓɛɛ. A ti dãa Suru Laa ɓɔɔ palɛ zang tɔ̃ɔ ɓɛɛ.

Yahudi 13:12

Yeesɔ dang jĩng doo nɔngkɔ ka yuu knti gari, nɛɛ tɔ̀ɔ, wu sɔɔ zang vuu shi kpang ɓarɛ kati nɛɛ zĩi ɓiɓɛ.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

2 Bituru 1:9

Zang ɓɔɔ nɛɛ pálɛ̀ rɛɛ vuu keɓe kpang, nwang naa zang jĩng ringtang ɓɔɔ zi vuu ɓɔɔ kpang ɓɛɛ. Danggn ning wu tɔ nɛɛ, Laa yàa wu gbalang vuu shi kpang ɓɔɔ ɓeleng wu palɛ ɓɛɛ tɔ.

1 Yɔhana 5:6

Vuu ziti ɓɔɔ ruu zi kagn nɛɛ Yeesɔ Kirisi ɓi zang ɓɔɔ niizang ɓɛɛ. Ruu zi ka diki ɓɔɔ zang pàlɛ̀ wu batizima nɛɛ diki ɓɔɔ zĩi ɓiɓɛ tɛ̃ɛ ka laa ɓɔɔ zang ɓaa wu naa kagn ɓɛɛ. Wu batizima kɔ tusu ruu gbete kpang. Zĩi ɓiɓɛ ɓɔɔ tɛ̃ɛyi, wukɔ tusu ɓɔɔ ri. Suru Laa ti tusu ruu nɛɛ nɔngkɔ niizang, ka ruu ɓɔɔ, Suru Laa, tusu zang ruu ɓɔɔ niizang ɓɛɛ.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.