Afisa 5:18 - Nyaa Shɔɔ Ɓɔɔ Laa a Ɓɛɛ

¹⁸ Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

Afisa 5:18 ပူးပေါင်းရင်းမြစ်များ

Matiyu 23:25

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ nwang naa waka, nɛɛ gbanti ɓɔɔ zang sɔɔ dakn biling kɔ shɛ̃ɛning, a yeti ɓiɓɛ tɔ̀ɔ ɓi katɔ ɓɛɛ. Yeti manɛ nwang doo nɔngkɔ. Yeti manɛ ɓi ɓangge nɛɛ yuu kasɛnang kɔ shɛ̃ɛning.

Matiyu 24:49

Ka ruu nɔngkɔ, a gaa tɔɔsung ɓeezung shonang nyɔkɔnang kati. A shaa vuu shaanang, a ti ɓoo sàa nɛɛ zang ɓɔɔ sàa palɛ ri katɔ ɓɛɛ.

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Luka 12:45

A naa zang shonang kaɓa kɔɔ ka yeti ɓiɓɛ tɔɔ, ‘Diki dabang gãa mɛɛ bee tɔ, a gn kpang,’ a gaa tɔɔsung zang shonang ɓɔɔ varɛ nɛɛ ɓɔɔ soro nyɔkɔnang. Wu ti shaa vuu shaanang, wu ti ɓoo sàa, sàa si wu.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Yɔhana 2:10

a hɛ̃ɛ wu tɔɔ, “Zang a zang zanti ɓi mii inabi ɓɔɔ tɔ̃ɔ kɔ shɔɔnang, zang nɛɛ ɓoo tɔ, zang naa gɔɔ nyaa kaa nɛɛ ɓɔɔ la kpang ɓɛɛ. Mɔɔ yaa mii inabi tɔ̃ɔ gbongkarɛ mɔɔ naa a zang ɓaa kaa nɛɛ doo knti ka ruu viya?”

Zang Shonang Yeesɔ 11:24

Baranaba ɓi zang tɔ̃ɔ, Suru Laa kagn bii ɓiɓɛ, ti shing danggn ka bìí Laa dɔɔli, ka ruu nɔngkɔ, zang dɔɔli ri a ka bii Laa.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

1 Koranti 11:21

N kɔɔ nɔngkɔ, ka ruu ɓɔɔ nɔɔ nɛɛ shaa vuu shaanang kana, zang ɓu shaa ɓi vuu shaanang ɓiɓɛ ɓɛɛ. Ka ruu nɔngkɔ, ɓɔɔ zang ɓɔɔ nyɔkɔ nyɔ ri ɓarɛ katɔ, zang ɓɔɔ ri ɓoo saa ɓarɛ tɔ, ri puu tɔ, saa yee ri kana.

1 Koranti 5:11

N kɔɔ nɔɔ m nɛɛ, nɔɔ nwàng nɔng gbete nɛɛ zang ɓɔɔ kɔɔyi nɛɛ wu dũng Laa a palɛ dũndũng, shing jĩng ka vuu zang, ti bang doo vaka, dãlɛ zang, ti ɓoo saa, a ti ɓɔɔrɔ vuu ɓɛɛ kpang. Nɔɔ ti shaa vuu shaanang nɛɛ rɛɛ zɔ̃ng zang keɓe kpang tingkiring.

1 Koranti 6:10

Zang ɓɔɔ ri ɓɔ̀ɔ́ shɔngɓɔ, zang ɓɔɔ ri shing jĩng ka vuu zang, zang ɓɔɔ sàa si ri, zang ɓɔɔ ri rangkɛ yee shi kpang ka yuu zang ɓɔɔ, zang ɓɔɔ ri mulu zang, nɛɛ zang piti ɓɔɔ ri palɛ rɛɛ zɔ̃ng vuu shi kpang keɓe, ri daa nɔng ɓɔɔ Laa roo kpanti kpang.

1 Tesalonika 5:7

Ka nwannang shɔnzang, shɔnzang ri rooro ɓi nɛɛ zĩi, zang ɓɔɔ ri yiti yuu ɓarɛ kpang, ri ɓoo saa nɛɛ zĩi saa si ri.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.