Afisa 5:16 - Nyaa Shɔɔ Ɓɔɔ Laa a Ɓɛɛ

¹⁶ Naa nɔɔ walɛ gbalang vuu palɛnang, nɔɔ palɛ vuu bìí waasɛ̃, ka ruu ɓɔɔ, rɛɛ diki keɓe, shi ɓi takpang ɓɛɛ.

Afisa 5:16 ပူးပေါင်းရင်းမြစ်များ

Matiyu 25:17

A zang gbete ɓɔɔ ta saka jaka ziti, ti daa walɛ ɓɔɔgn nɔ́ng ziti.

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Rooma 13:11

Nɔɔ palɛ vuu keɓe, ka ruu ɓɔɔ nɔɔ zi diki keɓe tɔ ɓɛɛ. Laa ɓɔɔ nɔɔ hìngsí jĩng nɛɛ hingro a tɔ. Ka ruu ɓɔɔ, diki ɓɔɔ zang ta yuu ɓuru kagn, a naabm tɔ, ɓa ɓɔ̀ɔ́ diki ɓɔɔ ruu gaayu danggn shinnang ka bii Yeesɔ Kirisi kagn tɔ.

1 Koranti 7:26

Ɓɔɔ n zi ka yeti mɛɛ, naa zang nwang waati zang gee soro kpang, wukɔ tɔ̃ɔ. N kɔɔ nɔngkɔ, ka ruu ɓɔɔ, diki a ka naa ɓɔɔ zang dang jĩng dɔɔli ɓɛɛ.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Afisa 6:13

Ka ruu nɔngkɔ, nɔɔ sèe vuu waa sĩiri tanang Laa ta, tɔ̀ɔ diki ɓɔɔ shi kpang keɓe nɛ́ɛ a tɔ, nɔɔ shii bang kaa nɛɛ sheetang ka ɓɔɔ wu a nyaa gaanang nɛɛ nɔɔ ɓɛɛ. Nɔɔ nɛɛ gáa nyaa tɔ nɛɛ wu, nɔɔ nɛɛ shaa wu tɔ, nɔɔ shii kaa nɛɛ doo, ka nɔng manɛ gbãng gbãng.

Afisa 6:15

Bii ɓɔɔ nɔɔ kpalɛ nɛɛ nɔɔ daa kɔɔ zang Ruu Tɔ̃ɔ, ɓɔɔ shingnɛ yeti zang valɛ ɓɛɛ, wu nwang naa koodoo ka doo manɛ.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.