Afisa 5:15 - Nyaa Shɔɔ Ɓɔɔ Laa a Ɓɛɛ

¹⁵ Ka ruu nɔngkɔ, nɔɔ gãng jĩng ka nwannang manɛ waasɛ̃. Nɔ́ɔ nwàng wu naa shoko kpang, nɔɔ nwáng naa zang ɓɔɔ ri zũng katɔ ɓɛɛ.

Afisa 5:15 ပူးပေါင်းရင်းမြစ်များ

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Matiyu 25:2

Ka teteng ja soo kopi kaɓa, ɓɔɔ maani zũng kpang, a ɓɔɔ maani zũng ɓarɛ katɔ.

Matiyu 27:24

Ɓu doo ɓɔɔ Bilatu zirɛ, nɛɛ zang kaɓa ri ɓa wu yuu katɔ, ri ti shii varɛ tɔ, tuu mii sɔɔ naa ɓiɓɛ nɔng ka jĩng ɓarɛ nandon. A kɔɔyi tɔɔ, “Naa mɛɛ ɓi kagn ruu zĩi yɔɔ keɓe kpang. Ɓi kaa ruu manɛ.”

Matiyu 27:4

A kɔɔ ri tɔɔ, “N pálɛ́ vuu shi kpang tɔ, ka ruu ɓɔɔ n nyɔ nɔɔ yuu shɔnzang tɔ̃ɔ ɓɔɔ tãa zang ruu kpang, nɛɛ nɔɔ nyɔ wu vɔrɔ ɓɛɛ.” A ri kasɛ wu nyaa tɔɔ, “Ruu ɓuru hãa ɓi tɔɔgn kpang, ɓi kaa ruu ɓaaɓɛ.”

Matiyu 8:4

A Yeesɔ kɔɔ wu tɔɔ, “Mɔ́ɔ daa kɔɔ zang ɓɔɔ kpang. Daayi, mɔ́ɔ daa tusu zang ɓɔɔ dɔ́ɔ vuu ka Gãa Laa, bii ɓaaɓɛ. Mɔɔ ti dɔ̀ɔ Kpanti Laa vuu ɓɔɔ Musa dang nyaa ɓɛɛ, tɔ̀ɔ, zang ri zi kagn, nɛɛ vuu bii ɓaaɓɛ waa nyaa tɔ.”

Luka 24:25

Yeesɔ rang ri yee tɔɔ, “Nɔɔ manɛ zang ɓɔɔ nɔɔ zũng kpang ɓɛɛ, ɓoro manɛ valɛ bii dɔɔli, ka ruu ɓɔɔ, nɔɔ shing danggn ka vuu ɓɔɔ zang nyaa shonang Laa kɔɔ kpang nandon ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 3:3

Nɔɔ palɛ shoko vi nɔngkɔ viya? Nɔɔ gaayu Laa dũnnang, nɔɔ shing gn ka naa ɓɔɔ Suru Laa a nɔɔ ɓɛɛ. A nɔɔ nɛɛ nɔɔ hangsɛ nyaa kaa nɛɛ kaka yuu manɛ ya?

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

1 Timoti 6:9

Zang ɓɔɔ nɛɛ tɔɔ ri kasɛ ɓarɛ vuu naa, sheetang gãsɛ ri katɔ. Wu shing ri, ri palɛ vuu shoko nɛɛ vuu ɓɔɔ lasɛ ri katɔ, ɓɔɔ ri kàsɛ̀ ka yeti ɓarɛ ɓɛɛ. Vuu keɓe kɔ ri shing zang, zang wu shaarɛ dɔ̃ɔ gbete.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.