Afisa 4:32 - Nyaa Shɔɔ Ɓɔɔ Laa a Ɓɛɛ

³² Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Afisa 4:32 ပူးပေါင်းရင်းမြစ်များ

Matiyu 6:12

Mɔ́ɔ ti yàa ruu gbalang vuu shi kpang ɓɔɔ ruu palɛ ɓɛɛ, naa ɓɔɔ ruu yaa zang ɓɔɔ ri palɛ ruu vuu shi kpang ɓɛɛ.

Maraku 11:25

Nɔɔ nɛɛ seepaa tɔ nɛɛ nɔɔ gaa Laa, nɔɔ yàá zang ɓɔɔ palɛ nɔɔ vuu shi kpang gbalang katɔ. Tɔ̀ɔ, Daa manɛ Kpanti Laa ɓɔɔ ka lapa, wu yàa nɔɔ gbalang vuu shi kpang manɛ kaa jong.” [

Luka 1:78

Ka ruu ɓɔɔ, gn zang kɔng Laa ɓuru dɔɔli ɓɛɛ. Naa shong nyaa nɛɛ zang ɓɔɔ naa ta yuu ɓuru ɓɔɔ naa nwáng naa làa ɓɔɔ nwáng ɓɛɛ.

Luka 11:4

Yaa ruu gbalang vuu shi kpang ɓuru katɔ, naa ɓɔɔ ruu yàá zang ɓɔɔ ri palɛ ruu vuu shi kpang ɓɛɛ. Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang.’ ”

Luka 17:4

Nɛɛ palɛ mɔɔ vuu shi kpang dakn manziti ka diki gbete, a naa kɔɔyi tɔɔ, ‘Yaa m gbalang vuu shi kpang ɓɔɔ n pàlɛ̀ mɔɔ katɔ. N kɔ̃sɔ yeti tɔ, mɔɔ yaa wu gbalang katɔ.’ ”

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Zang Shonang Yeesɔ 28:2

Zang nɔng bìí ri palɛ ruu tɔ̃ɔ dɔɔli. Mii a kana, a sɔɔrɔ ti si katɔ, ka ruu nɔngkɔ, ri tee ruu waa. A ri ti jee ruu nyaa waasɛ̃.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

1 Koranti 13:4

Naa mɔɔ kàsɛ̀ zang katɔ, mɔɔ mã danggn dɔɔli. Mɔɔ ti pàlɛ́ zang tɔ̃ɔ, mɔɔ kaa sũnyaa kpang. Mɔɔ ràng yee bang bang ka yuu ɓaaɓɛ kpang. Mɔɔ ti tuu yuu ɓaa kpang.

2 Koranti 2:10

Zang piti ɓɔɔ nɔɔ yaa wu gbalang vuu shi kpang ɓɔɔ wu palɛ ɓɛɛ, n yaa wu tɔ jong. Naa vuu ɓɔɔ kagn niizang, ɓɔɔ n nɛɛ yaa zang gbalang ɓiɓɛ katɔ ɓɛɛ, n yaa zang gbalang ɓiɓɛ tɔ ka tĩng Yeesɔ Kirisi ka ruu manɛ.

2 Koranti 2:7

Kãntang keɓe, nɔɔ yaa wu gbalang ta, nɔɔ mã wu danggn, tɔ̀ɔ, rɛ̃rɛnang dɔɔli wu ɓa kaka ɓiɓɛ kpang.

2 Koranti 6:6

Ka nwannang tɔ̃ɔ ɓuru, nɛɛ danggn mãnang, nɛɛ tɔ̃ɔ ɓɔɔ ruu palɛ, ruu tusu yuu ɓuru nɛɛ ruu ɓuru zang shonang Laa. Nɛɛ bii Suru Laa, a ɓɔɔ kasɛnang ɓɔɔ ruu kasɛ zang nɛɛ mani niizang ɓɛɛ.

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

Yakubu 5:11

Rùu ɓaa ri ɓuru kaa nɛɛ zang ɓɔɔ Laa a ri tĩnang tãanang ɓɛɛ, ka ruu danggn ɓɔɔ ri mã gbãng gbãng ɓɛɛ. Nɔɔ tãa ruu Ayuba tɔ, naa ɓɔɔ wu mã danggn ka laa ɓɔɔ wu dang jĩng ɓɛɛ. Nɔɔ ti tãa tɔ naa ɓɔɔ Laa naa shing jĩng dannang ɓiɓɛ nwǎng wu vuu tɔ̃ɔ ɓɛɛ. Niizang, sisĩng Laa nwãa kpang, gn ɓuru kɔng wu katɔ.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.

1 Yɔhana 2:12

Wujɛ mɛɛ, n bèé nɔɔ ruu keɓe, ka ruu ɓɔɔ, Laa yaa nɔɔ gbalang vuu shi kpang manɛ tɔ, ka ruu Yeesɔ Kirisi.