Afisa 4:31 - Nyaa Shɔɔ Ɓɔɔ Laa a Ɓɛɛ

³¹ Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

Afisa 4:31 ပူးပေါင်းရင်းမြစ်များ

Zang Shonang Yeesɔ 21:30

Gari nandon, nɔng shoo tãanang ɓi tɔ̀ɔ́gn kpang. Zang ri yuku nɛɛ nɔng piti piti ri arɛ, ri yi Bulu ri gɔ̃ wu, ri nwangsɛ wu nɛɛ yeti Gãa Laa. A zang tantɛ nyaa gãa kulunang.

Rooma 3:14

Nyaa ɓarɛ ɓi nyaa rĩiti kɔ shɛ̃ɛning, nɛɛ yee ɓɔɔ la katɔ ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

1 Koranti 5:8

Ka ruu nɔngkɔ, ruu yáa nɔɔ zɔ̃ng vuu shi kpang ta nandon, tɔ̀ɔ, vuu shi kpang kaɓa, wu baa kaa tɔ̀ɔ́ teteng ɓuru kpang. Ruu palɛ nɔɔ tɔ̃ɔ, ruu ti dũng gbalang Laa nɛɛ yeti gbete. Kaa naa weɓe kɔ, ruu nwang naa borodi ɓɔɔ zang tɛ̃ɛ yisi kagn kpang tingkiring ɓɔɔ zang Yahudi ri sháa ka nyaalaa pasika ɓɛɛ. Wee naa ɓɔɔ ruu shaa nyaalaa kaɓa jong tɔ̃ɔ ɓɛɛ kɔ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

Galati 5:20

Vaka bannang nɛɛ nvaa shaanang. Zang ri shing jĩng nɛɛ zɔɔ kpang, ri gaa nyaa, ri kaa sũnyaa, gnvɔ shàá ri, ri kasɛ vuu yuu ɓarɛ. Ri basɛ zɔɔ ka vaa vaa.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Afisa 4:25

Ka ruu nɔngkɔ, zang ɓu wu suu sèé takpang, nɔɔ kɔɔ rɛɛ ɓaazung ɓɔɔ ri dũng doo Laa kɔ, ruu ɓɔɔ niizang, ka ruu ɓɔɔ, ruu ɓuru kaa zang zɔɔ ka bii Yeesɔ ɓɛɛ.

Afisa 4:26

Yeti ɓaaɓɛ nɛɛ lasɛ tɔ, mɔɔ yaayi wu shing mɔɔ, mɔɔ palɛ vuu shi kpang, kpang. Mɔɔ ti nwang nɛɛ yeti ɓɔɔ lasɛ mɔɔ keɓe, laa wu hãa nyaa nɛɛ mani kpang.

Kolosi 3:19

Varɛ, nɔɔ kasɛ soro manɛ katɔ. Nɔ́ɔ palɛ ri hakaka kpang.

Kolosi 3:8

A kãntang keɓe, nɔɔ vang rɛɛ vuu ɓɔɔ naa, gnvɔ, yeti shi kpang, nɛɛ vuu ɓɔɔ bii manɛ kasɛ, a ɓɔɔ zang bɛ̃ɛnang. Zang dãanang, nɛɛ yee shi kpang wu nwang tɔ̀ɔ́ nɛɛ nyaa manɛ kpang.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 5:13

Naa ti nɔngkɔ kpang, ri si kaa rang, ri kɔng kaa bii ɓɔɔ ri rakɛ ka gãa gãa ɓɛɛ. Bɛ̀ɛ́ ri gaa kaa yuu zang rannang, ri ti ràngkɛ́ yee kaa yuu vuu ɓɔɔ ruu ɓarɛ hãa kagn kpang ɓɛɛ.

2 Timoti 2:23

Ruu ɓaaɓɛ wu hãa kagn nɛɛ ruu shoko kɔɔrɔnang nɛɛ nyaa laanang kpang. Mɔɔ zi tɔ ri shingnɛ zang ri haa nyaa.

2 Timoti 3:3

Ri naa pàlɛ̀ zang tɔ̃ɔ kpang, gn zang ti naa kɔng ri kpang, ri naa rang yee shi kpang ka yuu zang, ri naa yiti yuu ɓarɛ kpang, a gnvɔ ti ka yeti ɓarɛ dɔɔli. Ri naa kasɛ vuu ɓɔɔ tɔ̃ɔ ɓarɛ kpang.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Titu 2:3

Kɔɔ zang soro ɓɔɔ ri kpɛ̃ɛ tɔ ri nwáng nwannang naa zang soro ɓɔɔ ri dũng Laa nɛɛ yeti gbete ri nɛ̀ɛ́ nwàng ɓɛɛ. Ri rang zang kpang, ri nwàng jaafoo sàa kpang, ri tusu naa ɓɔɔ zang soro ɓɔɔ ri dũng Laa ri nɛ̀ɛ́ nwang ɓɛɛ,

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.

1 Yɔhana 3:12

Rúu nwàng naa Kayinu kpang. Kayinu zang Sheetang ɓɔɔ nyɔ jaa niiɓɛ vɔrɔ ɓɛɛ. Nyɔ jaa niiɓɛ vɔrɔ ɓu ka ruu viya? Nyɔ wu ka ruu ɓɔɔ, vuu ɓɔɔ wu palɛ ɓi vuu shi kpang, a ɓɔɔ ɓeezung ɓi kaa ɓɔɔ tɔ̃ɔ ɓɛɛ.

1 Yɔhana 3:15

Zang ɓɔɔ kasɛ ruu ɓeezung kpang, wukɔ zang ɓɔɔ nyɔ zang vɔrɔ ɓɛɛ. Nɔɔ ti zi tɔ nɛɛ, suru bii ɓɔɔ waa nyaa kpang, ɓi kagn bii zang ɓɔɔ nyɔ zang vɔrɔ ɓɛɛ kpang.

Vuu ɓɔɔ zang nwangsɛ Yɔhana 12:10

A n tãa yee mɛɛ nɛɛ lapa kɔɔyi nɛɛ, “Kãntang keɓe Laa ta yuu ɓuru tɔ, zang ti zi naa vuu palɛnang ɓiɓɛ tɔ, nɛɛ kpanti roonang ɓiɓɛ. A zang ti zi naa vuu palɛnang Kirisi ɓiɓɛ tɔ, ka ruu ɓɔɔ, zang ɓɔɔ bɛ̀ɛ́ shii ka tĩng Laa kɔɔrɔ ruu shi kpang, ka yuu rɛɛ manzung ɓuru diki diki nɛɛ zĩi nɛɛ laagɛ̃, zang hing wu tɔ nɛɛ lapa zang tasɛ wu tɔ ka koo ɓɛɛ.