Afisa 4:28 - Nyaa Shɔɔ Ɓɔɔ Laa a Ɓɛɛ

²⁸ Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

Afisa 4:28 ပူးပေါင်းရင်းမြစ်များ

Luka 19:8

A Zaka shii paa, kɔɔ Yeesɔ tɔɔ, “Dabang, n basɛ vuu naa mɛɛ nɔng ziti, n tuu nɔng gbete n basɛ zang ɓɔɔ vuu ka naa ɓarɛ kpang ɓɛɛ, zang ɓɔɔ n nɛɛ shaa wu vuu kagn, n sɔɔrɔ wu vuu ɓɔɔ n shaa ɓɛɛ tìng dɛ̃ɛti.”

Luka 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ. Nɔ́ɔ kɔ̀ɔrɔ̀ manɛ nɛɛ, ‘Rùu ɓuru wujɛ Ibirayi kpang.’ N kɔɔ nɔɔ, Laa zunung ɓɔɔ wu pàlɛ́ Ibirayi zɔ̃ng nɛɛ tari kɔ ka tipi ɓee katɔ.

Yɔhana 12:6

Kɔɔ ruu keɓe, wu ka ruu ɓɔɔ gn zang ɓɔɔ vuu ka naa kpang, kɔng wu katɔ kpang. Ɓi ka ruu ɓɔɔ, wu shɔngɓɔ ɓɛɛ. Wukɔ yiti duku ɓɔɔ ri tɛ̃ɛ saka ɓarɛ kagn, lee ɓɔɔ ti ɓɔɔrɔ saka kagn katɔ ɓɛɛ.

Yɔhana 13:29

Zang ɓɔɔ ri kɔɔ ɓarɛ nɛɛ naa ɓɔɔ duku saka ɓarɛ ka naa Yahuda kɔ, Yeesɔ kɔɔ wu nɛɛ wu hoo vuu ɓɔɔ ri shaa ɓɛɛ. Zang ɓɔɔ ri kɔɔ ɓarɛ nɛɛ Yeesɔ shong wu nɛɛ wu daa a zang ɓɔɔ vuu ka naa kpang saka.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

1 Koranti 4:12

Ruu palɛ shonang nɛɛ naa ɓuru gbãng gbãng. Zang nɛɛ dãlɛ ruu, ruu gaa ri Laa nɛɛ, Laa wu palɛ ri tɔ̃ɔ. Zang dang ruu jĩng a ruu mã danggn.

2 Koranti 8:12

Mɔɔ nɛɛ kasɛ tɔ ka yeti ɓaaɓɛ nɛɛ, mɔɔ a zang vuu, Laa tãa tĩnang vuu ɓɔɔ mɔɔ a ɓɛɛ katɔ. Nɔɔ á dɔɔli naa ɓɔɔ nɔɔ zunung katɔ ɓɛɛ. Laa tɔɔ kpang nɛɛ mɔɔ a vuu ɓɔɔ ka naa ɓaaɓɛ kpang, kpang.

2 Koranti 8:2

Naa wee manzung ɓuru ɓɔɔ ri ka Makidoniya ri dang jĩng tɔ gbãng gbãng ɓee, ri tãa tĩnang doo nɛɛ mani diki diki. Naa wee vuu naa ɓarɛ kagn kpang tingkiring ɓee, ri a zang vuu doo nɛɛ mani nɛɛ yeti gbete.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.