Afisa 4:25 - Nyaa Shɔɔ Ɓɔɔ Laa a Ɓɛɛ

²⁵ Ka ruu nɔngkɔ, zang ɓu wu suu sèé takpang, nɔɔ kɔɔ rɛɛ ɓaazung ɓɔɔ ri dũng doo Laa kɔ, ruu ɓɔɔ niizang, ka ruu ɓɔɔ, ruu ɓuru kaa zang zɔɔ ka bii Yeesɔ ɓɛɛ.

Afisa 4:25 ပူးပေါင်းရင်းမြစ်များ

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Rooma 12:5

Ruu doo nɔngkɔ. Ruu dɔɔli, a ruu nwang kaa naa bii gbete kɔ nwani, ka ruu ɓɔɔ, ruu ɓakɛ bii gbete nɛɛ Kirisi ɓɛɛ. Zang ɓu yi zɔɔ naa ka bii.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

2 Koranti 7:14

N kɔ̀ɔrɔ̀ wu, ruu bang bang katɔ ka yuu manɛ, a nɔɔ ti shingnɛ yusɛ̃ɛ tuu m kpang. Ruu kɔɔrɔ nɔɔ ruu niizang diki diki, ka ruu nɔngkɔ, ruu bang bang ɓɔɔ ruu kɔɔrɔ Titu ka yuu manɛ, nɔɔ shing tɔ nwang tɔ niizang.

Afisa 4:15

Rúu ràngkɛ̀ ruu ɓɔɔ niizang ɓɔɔ tusu nɛɛ rùu kasɛ zɔɔ katɔ ɓɛɛ kɔ jong, tɔ̀ɔ, ruu báng kaa vuu piti, ka bii Yeesɔ Kirisi ɓɔɔ wukɔ zang bang ɓuru ɓɛɛ.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Afisa 4:31

Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

Afisa 5:30

Ka ruu ɓɔɔ, ruu ɓuru ka teteng zang ɓɔɔ ri dũng wu, ɓɔɔ rikɔ nwang kaa naa vuu ɓɔɔ ri ka bii ɓiɓɛ ɓɛɛ.)

Kolosi 3:8

A kãntang keɓe, nɔɔ vang rɛɛ vuu ɓɔɔ naa, gnvɔ, yeti shi kpang, nɛɛ vuu ɓɔɔ bii manɛ kasɛ, a ɓɔɔ zang bɛ̃ɛnang. Zang dãanang, nɛɛ yee shi kpang wu nwang tɔ̀ɔ́ nɛɛ nyaa manɛ kpang.

Kolosi 3:9

Nɔɔ suu zɔɔ sèé takpang, ka ruu ɓɔɔ, nɔɔ tu bii gbaala manɛ tɔ nɛɛ rɛɛ vuu ɓɔɔ wu kasɛ ɓɛɛ piti.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

1 Timoti 4:2

Ɓi zang sèé ɓɔɔ ri nwãarɛ zang, nɛɛ vuu palɛnang kɔ ri tusu zang zɔ̃ng vuu keɓe. Zang keɓe ri rɛ̃̀rɛ́ ɓarɛ ka vuu ɓɔɔ Sheetang kasɛ ɓɛɛ.

Titu 1:12

Zang nyaa shonang ɓarɛ ɓɔɔ kagn, doo zang Karita kɔ, kɔ̀ɔ nɛɛ nyaa ɓiɓɛ nɛɛ, “Zang Karita ɓarɛ zang sèé, ri nwang naa yɔpɔ kpaasi, ri ɓarɛ zang ráng ɓɔɔ shaa vuu dɔɔli ɓɛɛ.”

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.

Yakubu 1:21

Ka ruu nɔngkɔ, nɔɔ yaa gbalang vuu shi kpang ɓɔɔ nɔɔ palɛ, nɛɛ gɔ̃ɔ ɓɔɔ nɔɔ kãa ɓɛɛ nandon. Nɔɔ ta Ruu Laa ɓɔɔ Laa shing nɔɔ ka yeti manɛ ɓɛɛ. Nɔ́ɔ ti tà nɛɛ jĩng gbakɛnang kpang. Ka ruu ɓɔɔ, ruu keɓe ta yuu manɛ katɔ ɓɛɛ.

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.