Afisa 4:16 - Nyaa Shɔɔ Ɓɔɔ Laa a Ɓɛɛ

¹⁶ Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Afisa 4:16 ပူးပေါင်းရင်းမြစ်များ

Yɔhana 15:5

“Nkɔ laa inabi, nɔɔ manɛ kaa nasãng. Zang ɓɔɔ nɛɛ nwáng nɛɛ n, n nɛɛ ti nwang nɛɛ wu, wukɔ ra jaa dɔɔli. Ka ruu ɓɔɔ, n nɛɛ kpang, nɔɔ zunung vuu ɓɔɔ palɛnang kpang ɓɛɛ.

Rooma 12:4

Bii ɓi gbete, a takɛ vuu kagn kaa zɔ̃ng zɔ̃ng. Vuu ɓu palɛ shonang ɓiɓɛ náabm̀.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

1 Koranti 13:13

Vuu kagn taati ɓɔɔ ri waa nyaa ɓarɛ kpang ɓɛɛ. Vuu keɓe rikɔ danggn shinnang, nɛɛ gn ɓɔɔ zang yaa naa kpang ɓɛɛ, nɛɛ zang kasɛnang, ka teteng vuu taati keɓe, zang kasɛnang kɔ ɓa ri.

1 Koranti 8:1

N kaaɓi, n rang yee ka yuu vuu shaanang ɓɔɔ zang bang vaka nɛɛ mani ɓɛɛ. Nɔɔ tɔɔ, ruu nandon ruu zi vuu ɓɔɔ niizang tɔ. Niizang, ruu nandon ruu zi vuu tɔ. A zɔ̃ng vuu zinang kaɓa shing zang, zang wu tuu yuu ɓiɓɛ. Ɓi zɔɔ kasɛnang kɔ yi zang naa ka bii dɔɔli.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Afisa 4:15

Rúu ràngkɛ̀ ruu ɓɔɔ niizang ɓɔɔ tusu nɛɛ rùu kasɛ zɔɔ katɔ ɓɛɛ kɔ jong, tɔ̀ɔ, ruu báng kaa vuu piti, ka bii Yeesɔ Kirisi ɓɔɔ wukɔ zang bang ɓuru ɓɛɛ.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

Kolosi 2:19

di yuu ɓi tɔ̀ɔ́ ka bii Yeesɔ Kirisi ɓɔɔ wukɔ zang bang ɓuru kpang. Yeesɔ ɓɔɔ wukɔ yiti bii ɓiɓɛ nandon ka nɔng gbete, ka nɔng ɓɔɔ bii tiisi ɓɛɛ nɛɛ hĩiri, a bii bangnɛ naa ɓɔɔ Laa kasɛ wu bang ɓɛɛ.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.