Afisa 4:15 - Nyaa Shɔɔ Ɓɔɔ Laa a Ɓɛɛ

¹⁵ Rúu ràngkɛ̀ ruu ɓɔɔ niizang ɓɔɔ tusu nɛɛ rùu kasɛ zɔɔ katɔ ɓɛɛ kɔ jong, tɔ̀ɔ, ruu báng kaa vuu piti, ka bii Yeesɔ Kirisi ɓɔɔ wukɔ zang bang ɓuru ɓɛɛ.

Afisa 4:15 ပူးပေါင်းရင်းမြစ်များ

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

1 Koranti 11:3

A n kasɛ nɔɔ zi vuu keɓe katɔ. Kirisi wukɔ zang bang ka yuu zang varɛ, a zang bang zang soro ɓi kaa varɛ ɓiɓɛ. A zang bang Kirisi ɓi kaa Laa.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

2 Koranti 8:8

N dang nɔɔ wu nyaa kpang. N kasɛ nɛɛ n gãsɛ zang kasɛnang manɛ nɛɛ ɓɔɔ zang ɓɔɔ ri dũng doo Laa kɔ. Tɔ̀ɔ, n zirɛ nɛɛ niizang kɔ nwani ɓɛɛ.

Afisa 1:22

Laa shing vuu piti tɔ ka naa vuu palɛnang Yeesɔ Kirisi a zang zɔ̃ng wu nɛɛ wu nwang zang bang ka yuu vuu piti ka ruu zang ɓɔɔ ri dũng Laa ɓɛɛ.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 2:21

Kpanti Yeesɔ kɔ yiti gãa bìí dɔ̃ɔ gbete, a gãa bii bangnɛ, wu raa Gãa tɔ̃ɔ Laa ka bii ɓiɓɛ.

Afisa 4:25

Ka ruu nɔngkɔ, zang ɓu wu suu sèé takpang, nɔɔ kɔɔ rɛɛ ɓaazung ɓɔɔ ri dũng doo Laa kɔ, ruu ɓɔɔ niizang, ka ruu ɓɔɔ, ruu ɓuru kaa zang zɔɔ ka bii Yeesɔ ɓɛɛ.

Afisa 5:23

Ka ruu ɓɔɔ, varɛ wukɔ zang bang ka yuu soro ɓiɓɛ, naa ɓɔɔ Yeesɔ Kirisi zang bang ka yuu zang ɓɔɔ ri dũng wu ɓɛɛ. A Yeesɔ Kirisi kɔ ta yuu zang ɓɔɔ ri dũng wu, ɓɔɔ ri nwang ɓarɛ naa bii ɓiɓɛ ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.