Afisa 3:9 - Nyaa Shɔɔ Ɓɔɔ Laa a Ɓɛɛ

⁹ Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.

Afisa 3:9 ပူးပေါင်းရင်းမြစ်များ

Matiyu 10:27

Vuu ɓɔɔ n kɔɔ nɔɔ nɛɛ nwĩiri, nɔɔ dita, nɔɔ daa nwangsɛ ka dalɛ. Ɓɔɔ n ti ɓɔɔlɔ nɔɔ nyaa katɔ, nɔɔ ti daa váng ka yuu gãa nɔɔ kɔɔ zang.

Matiyu 13:35

Vuu kɔ Yeesɔ palɛ, ɓee ɓi ka nyaa vuu ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Laa rang yee nɛɛ nyaa zang nyaa shonang ɓiɓɛ tɔɔ, “N naa rang zang yee nɛɛ nyaa vuu jeenang, n ti naa kɔɔ zang vuu ɓɔɔ zang zi gngn kpang, doo nɛɛ diki ɓɔɔ Laa gaa tɔɔsung koo keɓe mãanang ɓɛɛ.”

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 10:30

Ɓɔɔ n nɛɛ Daa ruu gbete.”

Yɔhana 5:17

Yeesɔ kɔɔ ri tɔɔ, “Daa mɛɛ palɛ shonang ɓi doo naa, n ti palɛ shonang jong.”

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Zang Shonang Yeesɔ 15:18

Laa ɓɔɔ tùsù zang vuu keɓe doo tɛ̃ɛ tɛ̃ɛ, wukɔ kɔɔ vuu keɓe.’

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 3:2

Niizang, n zi tɔ nɔɔ tãa naa ɓɔɔ Laa a m shonang keɓe tɔ nɛɛ n palɛ, tɔ̀ɔ, wu nwàng nɔɔ tɔ̃ɔ kati.

Afisa 6:19

A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:26

Ɓɔɔ wu waasɛ shɔnzang katɔ doo tɛ̃ɛ tɛ̃ɛ ɓɛɛ, a kãntang keɓe nwangsɛ kaa zang ɓiɓɛ ɓɛɛ.

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 17:8

Yɔpɔ jĩngti kaɓa bɛ̀ɛ́ ningkãari, kãntang keɓe tɔ̀ɔ́ ningkãari kpang. Naa nwang ditɔ nɛɛ too ɓɔɔ dii kagn kpang kaɓa, wu daa kaa nɔng ɓɔɔ zang daa nyɔ wu vɔrɔ ɓɛɛ. Zang ɓɔɔ ri nwang ka koo ɓɔɔ zang bee nung ɓarɛ ka labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang, bɛ̀ɛ́ zang mãa koo gn kpang, kpang ɓɛɛ. Ri nɛɛ naa zi yɔpɔ jĩngti bìí tɔ, ri naa mã naa ka danggn. Ka ruu ɓɔɔ, bɛ̀ɛ́ yɔpɔ jĩngti kaɓa ningkãari, a kãntang keɓe tɔ̀ɔ́ ningkãari kpang ɓɛɛ, a ti naa gbãayu ditɔ tɔkn ɓɛɛ.

Vuu ɓɔɔ zang nwangsɛ Yɔhana 4:11

“Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”