Afisa 3:20 - Nyaa Shɔɔ Ɓɔɔ Laa a Ɓɛɛ

²⁰ Zang wu dɔɔ Laa ɓɔɔ zunung ɓɔɔ wu pàlɛ́ ruu vuu ɓa ɓɔɔ ruu gaa wu, a ruu ti rɛ̃rɛ katɔ ɓɛɛ. Pálɛ̀ nɛɛ bii naa vuu palɛnang ɓiɓɛ, ɓɔɔ ruu palɛ shonang nɛɛ mani ɓɛɛ.

Afisa 3:20 ပူးပေါင်းရင်းမြစ်များ

Matiyu 3:9

“Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Yɔhana 10:10

Shɔngɓɔ ri a ɓarɛ nɔng vuu ɓɔɔnang, ri ti nyɔkɔ zang vɔrɔ, a ri lasɛ vuu. N a m nɛɛ tɔ̀ɔ, nɔɔ walɛ suru bii. Tɔ̀ɔ, nɔɔ nwang ningkãari, nɔɔ ti walɛ vuu piti ɓɔɔ nɔɔ kasɛ ɓɛɛ.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

Rooma 4:21

Zi ɓi tɔ gbãng gbãng ka yeti ɓiɓɛ, nɛɛ Laa zunung ɓɔɔ wu palɛ vuu ɓɔɔ wu a nyaa ɓɛɛ katɔ.

1 Koranti 2:9

Vuu keɓe nwàng kaa naa ɓɔɔ zang bèe ka yeti labeenang Laa ɓɛɛ nɛɛ: “Vuu ɓɔɔ shɔnzang ri zi gngn kpang, a zang ɓɔɔ ti tãa gngn kpang, a zang ɓɔɔ ti rɛ̃rɛ gngn ka yuu ɓiɓɛ kpang, Laa shĩili rɛɛ vuu keɓe kɔ, ka ruu zang ɓɔɔ ri kasɛ wu katɔ ɓɛɛ.”

2 Koranti 9:8

A Laa ti zunung ɓɔɔ wu a nɔɔ vuu piti ɓɔɔ ɓa ɓɔɔ nɔɔ kasɛ ɓɛɛ katɔ, tɔ̀ɔ, nɔɔ walɛ vuu piti ɓɔɔ nɔɔ kasɛ ɓɛɛ kaa nandon. Nɔ́ɔ ti walɛ vuu dɔɔli ɓa ɓɔɔ nɔɔ kasɛ katɔ, tɔ̀ɔ, nɔ́ɔ palɛ̀ zang tɔ̃ɔ kaa nɛɛ mani ka zɔ̃ng zɔ̃ng.

Afisa 1:19

A ɓɔɔ ti naa ɓɔɔ naa vuu palɛnang ɓiɓɛ ɓɔɔ bang dɔɔli, palɛ shonang ka bii ɓuru ɓɛɛ. Naa vuu palɛnang kɔ ka bii ɓuru ɓɔɔ ruu shing danggn tɔ ɓee, ɓi doo naa kaka ɓiɓɛ ɓɔɔ bang dɔɔli,

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

Yahudi 11:19

Ibirayi rɛ̃rɛ ka yeti ɓiɓɛ nɛɛ Laa zunung ɓɔɔ wu wisi Ishaaku paa nɛɛ vɔrɔ katɔ. Ɓɔɔ zang yàa wu Ishaaku ningkãari, nwáng kaa naa vɔ katɔ, a yupaa tɔkn.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yakubu 4:12

Zang ɓɔɔ dang nyaa a ti jɛ̃ɛ zang ruu ɓi gbete kɔ nwani, wukɔ Laa. Nɛɛ kasɛ tɔ, wu ta yuu ɓuru. Nɛɛ ti kasɛ kpang, wu nyɔ ruu vɔrɔ. A mɔɔ ɓaa kaa wi mɔɔ jɛ̃ɛ zang ɓɔɔ dũng doo Laa kɔ ruu wiya?

2 Bituru 1:11

Ka gbalang keɓe kɔ, nɔɔ naa walɛ gbalang daanang nɔng ɓɔɔ kpanti ɓuru Yeesɔ Kirisi naa roo kpanti. Yeesɔ ɓɔɔ wukɔ ti ta yuu ɓuru ɓɛɛ. Ruu naa daa nwang nɛɛ wu ka nɔng kaɓa dòndòng.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.